150406獅子會乘涼

昨日係歷年最熱清明節, 所以我地昨日都早出早回.

今日仍係好熱, 細媽又唔想我悶在家, 一於來獅子會 Hea下.

廁所旁的小山岥, 終於可以入去, 上次得我同細媽來過, 今次四口組一齊入去睇下環境.

四周種左好多新樹苗, 環境唔錯.

因為地勢高, 仲可以望遠處西貢群山.

有涼亭.

有休憩處, 但樹木仍未長太高, 夏天會比較曬.

新地方, 所有都較新, 但已見有人四處拋棄紙巾同其他垃圾.

呢度太開揚, 都係落返去大草地.

楓林下, 無咁曬.

黃皮花.

仲有好多荔枝花, 遲些又會結果.

預左 hea, 當然搵地方乘涼, 雖然有樹蔭, 但細媽怕有陽光在樹梢照入來, 打傘幫我遮陰.

都唔可能成日坐.

點都要走動下, 最多唔在陽光下停留.

荷花池仲未長出葉, 但枯枝已清埋, 遲些又來賞荷花.

今日好多團體來, 好多涼亭聚集好多人, 行左一輪, 都係搵返個清靜涼亭乘涼.

嘩, 都11點多, 聽到話彩虹小巴站仲係打蛇餅, 都係唔久留, 早D返屋企.

今日係第四日假, 我又會同細媽瞓午覺豬, 明天最後一日假期, 好似話稍後多雲有雨, 都係要早出動, 唔好浪費一日假先得.