媽咪話深井兜個圈,簡單半日.
婆婆起步已游雲, Hea到呢.
我未食早餐, 快步來, 坐定定開餐先.
到清快塘村前的路口, 媽咪話今日乾爽, 不如行煤氣管道, 好耐無行了.
因為今日話間中有陽光, 呢段路有在樹蔭下.
有開揚位.
有石級.
有行山感覺.
有泥地, 比行車路好.
起碼無車, 無單車.
但定必有婆婆.
又到十字路口, 行邊好, 又係媽咪臨時睇地圖定.
繼續行煤氣管道.
在林中行, 婆婆想起之前行過時, 話見到其他行山人的趣事好好笑.
行山就係咁, 亂吹水.
話左行煤氣管道, 點都要同煤氣柱影返張證明.
走返出車路, 細媽話咁早, 要搵路行多陣.
媽咪又地圖.
有條小徑在生態園對面, 見有禁止單車入, 以前都見有人行入去, 即係路應該通.
因為未行過, 而且都應該少人行, 好有探險感覺.
又係煤氣管道, 風景唔錯.
而且四周都係高樹.
好彩今日有雲, 上斜都唔太辛苦.
在林下穿梭.
咦, 出到地圖顯示的十字路口, 即係圓墩郊遊徑.
又要諗去邊, 但呢些不在我負責範圍, 僅係媽咪啦.
經商量, 一於唔去圓墩青龍頭, 行去大欖水塘.
都未到11點半.
但陽光照來都有點熱.
幸好途中有水溪, 我點會蝕底.
雖然沿途, 細媽都有灑水在我背, 但點都唔及浸入水咁爽.
C6307, 打咭.
又到分岔位, 今次要離開郊遊徑, 轉去青山公路方向.
其實即係落返大欖水塘段.
次次經過, 都無入來呢個水澗位影, 因為我同媽咪行另一條小徑落, 必定要經呢度落.
過水溪, 又係濕下先.
媽咪, 行快D啦, 我等緊你架雞湯車到.
細媽, 等等.
見大霸, 快到步.
又係無聊打咭.
雲係厚, 但陽光都透入來.
一點了, 玩左半日好夠.
在山上, 已見懲教所有棵紫藍色花, 於是走近睇, 係棵藍花楹 .
到懲教所, 已經係車路, 玩左 5 個鐘, 我夠了, 今日坐車出旺角, 又去食黃家女子的大碗麵, 我當然在袋 Zzzz啦.
沒有留言:
張貼留言