150405上窰郊遊徑

陽光普照.

醒神一天, 復活節假第三日, 唔再去甲龍.

因為知道要比較熱, 揀短線行.

上年復活節第二日, 都係來上窰郊遊徑.

仲要係同一頂兔仔帽, 唔知細媽有無發現呢.

邊款太陽帽, 作用都係一樣來擋陽光.

快快步, 行到樹蔭下, 唔怕曬親.

滿山太多植物開花, 呢棵又唔知叫乜名. 似"複羽葉欒樹"

第三日, 要 hea 住行.

途中有開揚位, 行快步.

到曝罟灣營地, 要停一停, 等一等, 婆婆要辦大人事.

點知婆婆辦事完畢, 忘記左右方向, 媽咪見到佢, 大叫佢, 佢有應我地, 但又分唔清聲音由邊度來, 我都有去搵婆婆呀, 激屎了.

藍天白雲我最愛, 但夏日艷陽下, 我都唔曬咁多.

來到, 我知一定會影相.

擺多個pose先.

細媽話又係遊船河季節, 望真, 其實係大頭洲先人地, 孝子們坐船來掃墓.

越近中午, 溫度漸升, 細媽怕我熱, 抱我行到郊遊徑終點.

又見呢棵攀藤開花.

好彩仲有些風, 所以, 細媽安心俾我行埋尾段自然教育徑.

我著左皮草, 入夏出勤, 大細媽都會幫我灑水降溫.

炎夏將至.

我估下月要晨早摸黑出動行晨運了.