150407城門水塘閒步

原本話熱帶風暴來, 會影響香港有雨, 一早安排有運就行城門河. 點知個美沙克掠過菲律賓前, 已慢慢減弱成低氣壓. 今日無雨, 又天陰, 唔通仲行城門河, 僅係行城門水塘仲好啦.

假期第五日, 媽咪染左傷風, 唔好操勞, 一於行去半閒亭大草地再回頭.

行呢度, 我仲開心.

由閘口開始, 我周圍八, 行極都好似無乜進度咁.

佢地故係想見我開心之o麻.

昨日在獅子會, 曬到我唔想周圍走, 情願在涼亭乘涼.

今日就溫度適中, 而且仲有風.

陽光不敵厚雲.

唔駛灑水降溫.

又見油桐花.

初生之犢.

水塘大草地, 唔曬呀.

但就米田共多左D.

細媽怕我攰, 叫我唔好跑.

咁我慢步行lor.

差不多時間, 回程了.

似野漆樹嗎 ?

今日好多馬騮出動, 媽咪好少影馬騮, 本來想同一隻在十多呎外的馬騮影相, 點知隻馬騮撲埋媽咪身, 可能馬騮以為媽咪拎的係橡筋丫叉射佢, 好彩媽咪音波功勁, 嚇退隻馬騮.
馬騮都係只宜遠攝.

途中, 又見馬騮, 媽咪抱住我行, 點知隻馬騮又跟實我地, 媽咪惟有吼叫嚇走佢.

今日真係太多馬騮, 唔通涼爽, 佢地出晒來搵食 ?

假連翹.

到蝴蝶園, 行快步.

因為全家未正式食早餐, 快返去屋企飯堂醫肚先.

當媽咪在家執拾時, 在露台見有一隻大雀飛來.

企在涼衣架唔走.

咁僅係要打下雀啦, 雖然唔知你叫乜名 XD