150404甲龍古道

昨日目的未達到, 反正全個假期無預先計劃, 本來細媽話行返林徑都得, 但媽咪話唔好重複, 拍板 Hea行甲龍古道.

頭段又係濕地, 有晒心理準備.

似乎比昨日乾爽點.

婆婆, 今日路程比昨日短, 但都要小心路青苔.

婆婆係威係勢.

其實佢步步為營.

昨日我想行古道, 竟然會安排今日行.

婆婆, 古道石砌級更多, 更斜, 留意每步.

又遇見三位伯伯, 佢地用左 45 分鐘行上來, 佢地話行左呢段路有十幾年, 細媽想起, 上年來時, 都有遇過三位伯伯, 似係佢地呢.

春夏季, 花開期, 紅黃橙, 遍地花.

其實呢度都幾好, 四周樹蔭, 如果無雨, 無濕, 都幾好行.

媽咪帶左腳架, 可以多影合照.

媽咪 : 洛洛, 你兩個等埋我同婆婆啦.

婆婆 : 等下我啦, 今日唔趕時間呀.

我知唔趕, 但我真係行得快, 最多叫細媽停一停.

呢隻蜂吸樹汁, 樹木流出樹蠟保護自己.

來到小溪, 大把時間, 一於在此大休.

行上少少八下.

仲未到雨季, 水流唔大, 企係度都唔太危險.

有山澗, 即有水生物.

平時, 細媽催我地行, 今日, 兩位女子又留係度, 望呀望, 唔想走咁.

終於叫走佢地.

又到另一水溪.

我地遇見呢位十一歲多的伯伯, 來到即落水嘆.

又滿山黧蒴錐花開, 遠遠都係.

細媽話係魚嘴石, 好多石板都有呢些魚嘴.

石砌路綿綿不斷.

行晒石砌路.

在林蔭下, 舒服暢行.

媽咪見到有塊石碑, 以為係先人界石, 八卦望真, 原來係古人的問路石, 石刻上: "左往台山深圳，右往林村大埔", 但左右都唔覺有小徑, 可能日久了, 路已煙沒了. 原來仲有一塊刻左"西往錦田元朗，北往台山深圳", 但媽咪唔見.

一個半小時行程, 我地花左兩個小時行完古道, 絕對輕鬆.

但引水道多車唔安全, 細媽抱返我, 早些出返元朗市中心.

我地未去坐車前, 先行去牛奶公司旁的公廁, 沿路多少好多警察, 在公廁外, 又遇返昨日見的兩位漁護署叔叔, 原來佢地今日唔駛行山, 因近清明, 多人來掃墓, 雷公田引水道係車輪管制區, 佢地改在引水道幫手截查入來的私家車, 以控制車流量.

昨日經過成記, 媽咪俾碟超級大份的豬扒飯吸引, 今日大把時間, 一於等.
等完位, 再等食物到.

大細媽叫豉油豬扒雞球飯, 豬扒又厚, 又大過掌, 雞球有五大粒, 成座山咁高. 

婆婆要鮮茄汁, 好有鮮茄汁, 好正.

今日公平行有開門, 又大手入貨, 有Frontline Plus, Heartguard Plus同杜蟲藥, 足一年用量. 仲買埋牛仔尾骨, 白金肉粒同雞肉牛筋, 短期內, 唔怕無得食.