婆婆新頭飾

上星期六, 婆婆唧完魚蛋後, 醫生幫佢包紮好, 戴返頂帽, 本來唔錯.

但當日回家, 已經搞鬆晒, 第二日仲變成咁.

星期一返診所洗傷口, 醫生再幫婆婆包多個網, 睇下張相, 本來都幾好, 但瞓醒又快甩出來, 媽咪局住將繃帶重新包過, 圍坐下巴同耳背, 咁先方便瞓覺, 但又變得更誇張, 婆婆唔肯影相, 更加唔可以落街, 免得嚇親街坊.

呢幾日, 中途發生小插曲.
星期二晚, 由媽咪第一次在家幫婆婆洗傷口, 當日都見無血, 無濃, 無發炎, 婆婆話唔痛.
星期三晚, 媽咪收工回家, 問婆婆, 傷口有無痛, 婆婆答話傷口扯扯下, 赤赤地, 媽咪以為係傷口癒合反應. 晚上, 媽咪幫佢洗傷口, 紗布護墊竟有個一厘米圓周大的乾涸血跡, 媽咪嚇親, 黠解有血呀, 猛問婆婆下, 佢先和盤託出. 原來佢唔小心, 撞埋廚櫃門, 剛好撞正傷口位, 可能咁, 已收血埋口位又撞裂了. 怪不得痛啦. 媽咪惟有又長氣咁叫婆婆小心.

好彩, 傷口無發炎.

星期五晚, 媽咪幫婆婆洗完傷口, 見情況唔錯, 諗到個好方法.
就係用髮夾加醫用膠紙, 變成了新頭飾. 方便美觀, 又可保護傷口.

出街戴帽就得, 婆婆好滿意, 今日終於出山,

細媽辛苦左好多日, 朝朝早起, 落街買餸回家, 再趕返工.
星期一起, 婆婆可以戴帽出去, 回復正常.