150125婆婆初段出山行

今日去玩, 感覺唔同.

因為媽咪幫婆婆諗到個新頭飾, 咁婆婆就唔怕樣衰衰, 怕醜唔肯出街.
佢屈在家成星期, 點都要出來吸下新鮮空氣.

佢又係咁, 周圍望, 唔願行, 耐佢唔何.

但大細媽吹雞, 婆婆要聽話.

謹係啦, 我地未食早餐, 行完就去食早午餐呀.

唔想婆婆太粗勞, 搞到成頭汗, 影響傷口, 我地行得好 hea.

昨晚好大雨, 好彩今早已停, 地面乾了很多.

行行下, 在大城石澗下流的休憩地, 發現了一棵粉紅花.

原來係桃花呀.

因為落來的石級多青苔, 媽咪怕婆婆滑倒, 我負責影好相, 一陣俾婆婆睇.

望多眼, 附近仲有成十棵山櫻花, 但無乜花苞.

到半閒亭, 因曾下雨, 媽咪怕白千層林的泥土太濕, 我腳仔可能變泥濘腳, 今日唔落.

今日又行四口組, 全家出動呀.

加上天氣好, 心情特別好.

年初亦係吊鐘王開花期.

婆婆拾起掉下來花花, 都開心一餐.

咁先係陽光婆婆.

又古靈精怪老頑童, 好多時都激屎媽咪.

起步無乜行山人, 回程迎面就遇到.

今日要早回家.

因為媽咪除左幫我沖涼吹身, 仲要幫埋婆婆, 好忙呀.

假期完畢, 又期待下周, 媽咪話安排簡單行程, 咁婆婆又可以同我地一齊玩喇.