150111錯了又改的行程

如無意外, 婆婆要閉關幾星期, 昨日又無去行山, 媽咪計劃今日去行好耐無去的西貢萬里長城.

點知媽咪朝早就唔清醒, 叫我地上錯車, 錢俾左, 即落車唔抵呀, 惟有改由大水坑上梅子林去西貢.

梅子林路係車路, 比以前多左好多車上落, 行人路又少, 我要小心翼翼聽大細媽話, 靠邊行.

咁快有梅花 ?

今日少單車, 反而多左好多練長跑人士.

其實起身時, 都曾灑了陣雨, 大細媽都怕梅北古道濕滑, 好彩媽咪一早預定行山杖俾婆婆行長城, 再睇情況決定, 如果太濕, 我地可以落返來, 改行去引水道去鹿巢山入口位.

繞過梅子林村, 媽咪見花心坑三個字, 想起有成快五年無行梅花古道. 於是又由梅北改梅花.

當年梅子林村的村校, 已被鐵網圍封, 仲密草叢生.

但路徑似曾修過, 少了雜草.

媽咪又老人痴呆症發作, 無晒記憶, 同婆婆講好易行, 絕大部份係石砌平路, 無大上大落石級.

而且迎面而來好多行山人.

有些雨點呀, 好疏, 會唔會越來越大呢. 要唔要返轉頭, 落回梅子路好呢 ?
細媽話, 全家都帶左雨遮, 最多我上私家車, 婆婆有行山杖, 有媽咪照顧.

話口未完, 就見有上山石級, 好彩係細石級, 無難度, 難怪媽咪無印象.

所以, 如果媽咪唔幫我寫行山日誌, 影低條路係點, 佢自己去過邊都唔知.

好多人聲, 原來到左上女婆山的入口位.
o下, 去花心坑仲有 1.2 km 咋. 媽咪都無印象咁短.

天色似明朗返.

都未到 10:30am, 行左兩個鐘咋.

唔通咁快返屋企.

去邊好 ?

但如果行返今日路線上萬里長城, 又似乎太遲返家.

都係出返城門河算, 改下次再行.

本來想話玩盡些, 媽咪傻完又傻, 改了又改路程, 好彩佢熟晒路咋.

都好o丫, 又輕輕鬆鬆行城河.

明明今早好多雲, 濕氣多, 何解現在藍天.

媽咪昨日仲幻想在藍天下, 行萬里長城古道.

變左藍天下的河畔行.

今早我有點凍到打震.

現在暖暖陽光都幾舒服.

好耐無去沙角村食飯, 等我快快步去霸返好位俾婆婆先.