150104上窰郊遊徑

昨日都算少少長征, 今日來西貢行A餐.

短短路程, 重複又重複, 我從未行厭過.

起步啦.

今日雲多左, 唔通聽日真可能有雨 ?

昨日, 我八卦去三椏涌營地, 今日就去八下南風灣營地.

行去營地要 15 分鐘, 究竟係咪臨海呢 ?

途中, 有見近海位置.

到左喇, 同昨日營地唔同, 呢度只有燒烤爐同污水坑及垃圾糟/桶, 無檯, 無長櫈, 無掛衫鐵線, 係舊式營地.

有旱廁都唔錯了.

八卦完, 折返回原路繼續走.

片片紅葉, 唔止楓香, 欖仁樹、野漆樹、槭樹、山烏桕、落羽松和水杉都會入冬變紅.

到觀景櫈, 我擺左兩個pose, 一企一坐, 但頭仔方向一樣.

媽咪話似後期加工, 將頭 key 上去 XD

到曝罟灣營地, 例牌小休.

陽光高掛, 雲霧散了, 藍天現.

我一步步緊隨細媽, 媽咪留後睇實我同隨後的婆婆.

等下婆婆先.

婆婆未攰, 又扮野.

輕鬆走完.

我地打算去返大網仔路.

到復興橋, 結束兩日假期, 我又休息返 5 日, 下周中期有冷風來, 希望唔會又凍到震震狗啦.