150101元旦登針山

今日係天朗氣清的元旦, 我地貫彻慣例, 在元旦登高, 來年全家身體好.

今日未夠 8 點到城門水塘, 睇下幾好天.

唔熱, 唔濕, 又有風.

係上針山的好日子.

起步石級.

大頭蝦媽咪無帶行山杖俾婆婆.

雖然婆婆投訴左幾句, 但佢都笑住繼續行程.

水塘美景入目.

努力, 加油.

行行下, 細媽發現, 有心人數石級, 並加標記, 我地行左 740 級, 仲有幾多級到針山山頂呢 ?

洛家四口組合照.

好大風咩, 棵樹打橫生.

1200 喇.

起身唔夠 13 度, 我全身打震, 現在陽光充沛, 唔駛著褸保暖.

見針山頂喇.

婆婆, 你慢慢上, 我同大細媽在山頂等你.

到頂 532m, 原來有成 1706 級.

天氣好, 藍天無雲無霞, 望到對面的大帽山.

28/12舊私家車退役行, 今日新車出場, 首役就係陪我地上針山, 往後日子, 辛苦晒你呀.

婆婆抵埗, 行左 1706 級, 容顏寬容, 都話行山身體好啦.

婆婆醒目, 自己執左支樹枝, 齊齊行山了.

婆婆, 一步一步落, 我當然等佢啦.

次次落山都係好大風.

元旦, 已經見有數朵吊鐘花, 咁快開o既 ?

回到車路, 行後好輕鬆.

因為媽咪晚上有約, 明天大細媽又返工, 今日唔會去埋草山.

我地決定轉去白千層林, 在蝴蝶園落菠蘿霸走.

樹蔭底, 涼涼地.

無著衫, 在陽光底下, 先稍覺暖點.

行快快, 熱身會好些.

又到分岔位, 媽咪想短程點, 唔行身後的畔塘徑去大霸.

紫藍果實, 係呢段時間先見.

到緩跑徑終點, 竟然好認真圍起鐵鍊唔俾進入, 其實假期不知幾多行山人士來往, 當局快快做埋手尾啦.

半閒亭大草地.

本來想在白千層林水塘邊大石食午餐, 點知又唔見了婆婆, 明明落來時, 婆婆見到我地, 仲揮手打招呼.

無法啦, 局住上返涼亭搵婆婆.

原來婆婆又偷懶, 知行去水塘邊, 都係行返轉頭, 佢在大石櫈等我地, 搞到我地以為2015年第一日, 婆婆又玩失蹤記.

今早起步, 好少行山人, 下午時份, 遊人多了, 而且好多全家大細出動.

企邊都避唔開人影.

塘景如畫.

到賞蝶園啦.

車站好多人等小巴, 好彩突然好多的士駛上來, 我地又可以快快回家休息.