150110睇魚蛋

婆婆百厭又孤寒, 原來佢偷偷收埋粒大魚蛋.

你地睇下, 幾大粒. 佢話又唔痛, 激屎大細媽.

今早, 媽咪帶婆婆去睇專科陳醫生, 呢位女醫生好細心, 幫婆婆量血壓, 度到粒魚蛋有成 4.5cm咁大粒, 詳細解釋手術細則及注意事項, 建議婆婆先照腦掃描, 確保無血液伸入頭骨, 肯定左只係獨立皮包囊後, 才安排做手術. 佢知婆婆無買保險, 見媽咪好有心帶婆婆睇症, 話媽咪孝順, 於是打電話去放射治療所拎折頭, 仲將手術費減收 $800, 診金減收 $300.

媽咪再帶婆婆去另一處照腦掃描, 放射治療所的哥哥及姨姨一樣細心, 好照顧婆婆.

因注射顯影劑會有機會出現副作用, 雖然一萬人只有一人有反應, 但慎重起見, 第一次照無用顯影劑, 如果第一次睇得出結果, 收費會平些.

曾醫生睇完掃描片後好緊張, 當刻嚇親媽咪, 問媽咪知唔知婆婆收埋粒魚蛋, 媽咪解釋係因魚蛋而來, 因醫生唔知有粒魚蛋先緊張咋. 因醫生見粒魚蛋有鈣化, 建議注射顯影劑照第二次.

第二次完畢, 曾醫生話睇了幾張, 顯示情況唔差, 似係獨立囊腫, 叫媽咪放心, 等佢睇晒及分析所有掃描片, 會將報告放回陳醫生.

已約定下星期六 10:15am 到診所, 如報告無問題, 抹麻醉藥劑, 做局部麻醉, 11:00am 做手術.