150118黃泥頭往瓊麗苑

婆婆閉關休息, 我地今日打算行返上星期想行的萬里長城(又名黃牛古道)去西貢.

今日無搭錯車, 去到黃泥頭上去花心坑村.

好怪, 次次來, 都好多晨運客, 但今日起步時, 都 8 點, 仲未見過行山人.

上牙芽背先.

無左婆婆在大後方, 我地停少左.

只係媽咪無我同細媽咁好力氣咋.

接返上麥理浩徑第四段, 媽咪話從未試過向右行去基維爾營地, 亦唔知四周風景係點, 於是決定先探路, 再下次帶婆婆行.

原來遠望黃牛山係咁靚.


嘩, 嘩, 出到開揚位, 四周吊鐘花開始盛開.

仲有木薑子都開花, 藍天下, 好正.

呢段山徑, 同黃牛山下的古道, 四處環境不一樣.


但感覺一樣舒服.

暫時, 小徑都唔太難行.

仲有石板級.

都幾好走.

水泥級雖多, 但每級平均, 唔錯.

有分岔位, 見到夏舊的均衡定向徑標柱, 唔通以前有的 ?
因為媽咪無地圖在身, 佢啟動腦記憶地圖同指示, 決定往下走.

嗯, 有小溪.

仲有郊遊地點的木檯及櫈.


咁好行, 等婆婆好返, 一定帶佢來行.

到基維爾營地啦, 呢度係營地外的燒烤場, 我身後都有條車路, 但我地揀行正常山徑.

第五段開始.

山1徑就係由呢度落來.

同樣接返車路, 因會有車上落營地, 我要小心留意往來車輛.

接回入山徑, 我又開心自由行.

呢度亦係戰地遺跡徑, 沿路有介紹, 呢些係軍事地標.

有戰壕.

呢個係嗎 ? 無介紹的.

只知係荒廢建築物.

有地洞, 要小心, 唔好隨便入去.

轉出了扎山道, 本來想行去蠔涌或井欄樹, 但媽咪無帶地圖, 又無午餐, 又要早回家洗白白, 於是決定由扎山道落去瓊麗苑.

因為係單程車路, 大細媽又唔想用繩拖我行, 惟有......

咪係上細媽號私家車.

大細媽怕我攰, 佢地都唔想我行太多.

見到呢個涼亭位, 有樓梯落去瓊麗苑呀, 如果繼續落, 可以去到彩雲邨.

點解揀呢度落山.

因上到車路, 係小巴總站直接返屋企呀.