150124初探神仙轍

大姨媽早前行完神仙轍, 問媽咪有無興趣, 有大姨媽帶路, 當然舉手報名, 事關媽咪好多年前, 都知有呢個地名, 但唔熟路, 唔夠貿然帶我同婆婆行.

大姨媽話今日由大棠郊野公園管理站起步, 全程 8 公里, 終點係黃泥墩巴士總站, 行程輕鬆, 我地試行完, 下次帶婆婆來.

媽咪問會唔會行九逕山, 大姨媽話九逕山多碎石, 多上多落, 路程較長, 似蚺蛇尖落山情況, 咁都係唔好了.

春來了, 四周山薑子.

睇完紅楓香, 再賞山薑子.

又有芒草世界, 但就得我高度, 又影唔到芒草.

俾佢獨照啦.

我地向伯公坳前進.

今年暖, 呢帶吊鐘花亦提早開花.

到M177附近, 又見呢棵樹, 叫紅木, 又叫胭脂樹, 已結成果實, 記得花係粉紅的.

呢度我行過, 我知要上山.

之前同婆婆行, 都影過好多相, 都係影返張, 記錄時間.

今早出來得 15 度, 現在有些風, 呢段開揚, 希望唔會太曬.

少見開花的山管蘭, 次次都已結藍果實.

今日好 hea, 我地一路行, 一路欣賞風景.

到M183

向黃泥墩水塘前進.

今日雖然係三個大人陪我, 但其中一人變了大姨媽, 唔緊要, 大細媽都會迎影不離我, 當然, 我都好希望婆婆傷口快癒合, 好出山.

我地第一次來黃泥墩, 大姨媽唔相信.

過了水霸, 準備向今日目標進發.

一陣會原路折返, 轉頭再細探水塘景.

由此直進, 右邊也有山路上另一個山峰, 雖然呢度位有"此路不通"標記, 但大姨媽話因離開漁護署管轄範圍, 咁法律上可以免責喎.

無人管, 即無人會清除小徑雜草, 我要低下頭, 緊隨大細媽或大姨媽身後.

途經小小瀑布, 相信雨季時都有些氣勢.

有明顯石級.

原來因 2009年, 為紀佬新聞處成位 50 周年, 署長曾來植了三百棵樹, 可能因而有整左石級啦.

上少少, 到了神仙轍.

呢處在 70-80年代, 係熱門行山勝地, 當時四周無樹無草, 兩條平衡因風化及水侵蝕而成的深溝, 吸引好多行山人, 後期因太侵蝕嚴重, 當局在 90 年代種植好多樹木, 防止泥土流失.

可惜 2006年一場大火, 將樹木燒毀, 當局將燒毀樹木鋸斷, 堆在坑溝中, 漸漸失去昔日神仙轍的美名.

如果唔係大姨媽帶領, 媽咪都唔識入口.

大姨媽, 慢慢影, 我行去另一度八卦.

噢, 媽咪叫我爬上兩坑中間, 佢地又唔行來.

媽咪, 我點上返來呀 ?

好彩唔係個個位咁深, 大細媽過來陪我.

嘩, 好大個侵蝕坑.

走去前頭再望.

要好小心, 跳落去, 好難爬上來.

玩夠, 回程. 雖然可以向前行九逕山去屯門, 但唔行了.

今日出奇熱, 呢度開揚好曬, 休息下先.

回程又要披荊斬棘.

好彩唔係好長, 10多分鐘就出返來.

第一次見豬籠草花及果實.

原本想在水塘邊影相, 點知有隻超大隻混種藏狼小朋友跟實我, 大細媽抱高我, 佢都撲上媽咪身, 原來佢地係獵食能手, 佢又得 9 個月大, 超貪玩, 可能當我係玩具, 佢又唔見左狗鍊, 主人捉回佢,轉頭又走返來搵我, 我地要急急走.

過返大霸, 見呢度有標高柱.


去黃泥墩巴士站得 2 公里咋.

我地一路行, 一路回望, 好怕隻小朋友又追來.

應該安全.

今日真唔難走.

呢度好多電纜塔.

經過塔底, 電力發出了吱吱聲, 媽咪都幾驚.

唔太明豎起的石屎柱作用, 似未完工多.

呢帶地質, 不太適合植物生長, 好易出現風化, 呢度又有小坑溝, 假以時日, 又可能出現另一深溝.

落到楊家村, 旁邊有村屋, 仲有幾隻村狗, 我要上私家車了.

一大片農田.

又見種左好多蘆薈同火龍果.

楊家村.

客家建築物「楊家村」全貌.

差不多到路口, 快有車出返元朗, 又係我休息時間了.
今日成 9點半先起步, 慢慢行, 又玩下, 行完都係兩點半, o岩晒婆婆步速, 等婆婆全面出山, 一定帶佢來.