140629Hea Hea 在獅子會

昨晚大細媽問我想行超早晨運定係去掘泥, 咁上星期日落雨, 搞到我無得玩至愛, 我當然係擇去獅子會啦.

8 點就到來, 我一上草地就盡情掘, 婆婆都叫我掘多D, 我僅係唔執輸.

140628與表姊黃昏遊

今日雖然係細媽短週, 但天氣炎熱, 除非超早起身, 否則會熱傻我. 

二表姊今日下午去沙田划艇會上堂, 六點放學, 我地約埋大表姊去同二表姊匯合.

上次四點行都好曬, 今日五點先起步, 我好鍾意大表姊, 可能見得多啦.

140627冤魂再臨

新曆七月咋, 何解冤魂再臨. 唔想, 唔想....
驗血報告出, Babesia Genus 係 Positive, 仲係潛伏在我身.
護士哥哥問完羅醫生, 有兩個選擇, 一係即時食一個月藥, 一係過兩星期再驗血, 睇下血小板指數, 再決定情況, 好太可能都會食藥, 結果係遲食定早食.

既然如此, 大細媽商量, 雖然我係任何不適或貧血出現, 但還是決定即時食藥, 食返 Clindamycin  150mg, 一日兩次, 連續 28日.

希望一個月後, 血小板變返靚仔.

140625續牌無期 ?

今日下午, 細媽無端端放假返來, 仲立刻同我坐車出去, 又唔係我生日, 去邊呢?  

原來, 我個身分牌已經在21/6到期, 媽咪忙, 今年由細媽同我來診所打瘋狗針及續期, 順便叫陳醫生幫我驗下血同周身摸.

R.I.P. 陳噹噹 (歿於 23-06-2014)

想不到, 你和我地相處, 只有那麼短暫日子.

想不到細菌及寄生蟲感染咁嚴重, 到大姨媽家時, 仍活潑四處爬行, 開心大啖食, 但大姨媽發現你身上多了些白點.

19號時, 你還識反了身都翻身.

20號早, 你手指發炎, 甩了一隻指甲, 兩家人都心痛, 都希望你能打勝仗.

昨晚, 大姨媽話你前日已經不願食野, 白點蔓延, 仲甩了六隻指甲, 情況不樂觀, 昨日掂都唔縮, 都知係時候.

今早轉來傷感的消息, 你已經踏上彩虹橋, 回歸天國.

細媽 : 好可憐, 幸好都飽肚左幾日.

二表姐 : 希望佢在上面愉快, 生命不貴乎長短, 貴乎價值, 如果冇係城門河攞返屋企, 或者唔會生存到今日.

小噹噹, 一路好走, 我們永遠懷念你.

140622快閃行

昨晚講定左, 今早再早起身行晨運, 點知整晚雷雨不停, 當然不成行, 昨晚雷聲令我驚到震, 我晨早過媽咪房, 媽咪攬住我, 等我安心瞓返陣覺.

午飯後, 雨仍是綿綿落下, 細媽惟有陪我再瞓.

快兩點半, 媽咪突然拍門, 話雨停, 天光亮了, 於是我地逝速行動, 快閃入小瀝源.

婆婆唔想郁, 留家負責洗菜, 等我地返家時, 由細媽煮麵條當晚餐.

140621午後城河行

媽咪知細媽長週, 安排左晨早出去照超聲波.

嘩, 今早場黃雨, 都無住下午有運行.

點知細媽收工, 見出太陽, 為免明日有可能又雷雨影響, 佢話今日帶我同婆婆出去運動下先.

我倆婆孫僅係開心啦.

起步時, 細媽一望, 小瀝源河有一大群魚, 當時都睇唔真係乜品種.

140621又到超聲波

今早 9 點, 又到診所, 例行照超聲波, 一路照, 我一路望, 最後照到脾臟, 我忍唔住問孫醫生, 係咪量緊脾長度, 等佢知我有留意肝臟情況, 佢幫我照完後, 簡單一句 : 無乜問題, 放心喇 

正式報告無咁快到我手, 要先俾許醫生睇先, 孫醫生一句話, 我心鬆晒先呀

陳噹噹

可可 : 我係咪好可愛, 竟然咁搶手, 咁多人爭我XD

洛洛 : 係咩 ?  係大姨媽一家知你身世可憐, 佢地又有地方, 話想收留你咋.

可可 : 我知大姨媽家都有一龜仔同一龜女, 我有伴喇 ^^

洛洛 : 我都有一大龜姊同一大龜哥啦, 我都唔輸蝕, 平手 XD

140615一號波下的午間行

昨日海貝思入左香港800公里警戒線, 仲掛起一號波.

今早細媽起身見落雨, 無叫醒媽咪, 等佢瞓多陣.

媽咪瞓醒, 見停左雨, 見天陰, 唔想我無左一日假, 又去沙田行下.

12點半喇, 好彩天陰咋, 如果好似昨日咁, 根本無可能停留在露天下.

黃可可

今早在城門河行行下時, 神眼細媽又發現有野在水中, 佢大叫, 有龜呀.

媽咪同婆婆立刻望, 原來有一隻小小龜, 在水中掙扎, 拼命想游上岸.

當時, 媽咪同細媽思想搏鬥, 究竟順應大自然, 定係救佢上來呢 ?

因為一定唔係海龜, 好彩潮漲, 河水淡, 但水退就有機會隨水漂出海, 或者在污水中, 生命都難保.

終於媽咪爬出圍攔, 用細媽把雨傘, 打撈佢上來.

當時, 都有人圍觀, 有個阿伯話係鱷龜, 大左會咬人, 點望都唔似啦.

有幾位嬸嬸話唔好放返落水, 實死硬, 叫大細媽有心養就帶返屋企.
媽咪估計小小龜, 應該係山上小溪, 隨河溪水沖了出來, 如果唔埋佢, 俾其他人發現, 唔知有乜後果, 其實都擔心佢安危, 大細媽決定帶佢回家先算.

140614六點半晨操

前兩星期, 我地七點起步, 太陽都已經升了好高, 昨晚媽咪話挑選再早起身.

我當然醒目, 四點多已經輕拍細媽, 佢竟然無反應, 我一於咳兩聲, 嚇到佢即拍拍我肚仔, 要我要瞓過, 好一於俾你地再瞓多陣.

五點喇, 差唔多, 一於咳多聲, 今次終於叫醒細媽, 哈哈.

今日係 5:39 am 日出, 細媽搞下野, 5 點半叫媽咪同婆婆.

我地未夠 6 點出門, 好順利, 太陽剛出了無耐.

6: 20am 落車, 又見呢棵黃花開得更茂盛.

140608陰中晴在獅子會

驟晴驟雨, 都唔知點打算, 都係起身先諗.

起身時, 細媽見天氣唔差, 知我愛挖泥, 話去獅子會俾我挖夠.

8 點幾到, 都唔太多遊客, 街坊狗就多些.

140607黃昏漫步城河

細媽又長週, 媽咪昨晚上網做野, 好夜先瞓, 我陪埋佢, 瞓到十一點半先起身.

雷暴又來了, 密密雨, 都預左唔出街. 

但雷雨走了, 天變亮, 細媽返來時, 地面都乾爽返, 氣溫又唔高, 於是我地又入小瀝源來黃昏行.

又見呢種黃色花串.

眼的疑惑

近呢年, 夜上戴住眼鏡時, 總覺得副眼鏡左鏡可能有花紋, 左眼睇野有點朦, 有些透明物擋眼, 眨眼後又無乜野. 早排抽空再配新眼鏡, 情況一樣, 好擔心呀. 上星期六睇眼科醫生, 醫生見黃斑點大了些, 話要再本做詳細眼底檢查, 先知有無黃斑點或青光眼.

今早驗完眼, 黃斑點無問題, 因有飛蚊症, 所以先見有野在眼內玻璃體浮動, 原來懸浮物有能係黑點, 有黑條, 甚至係透明體。

至於青光眼檢查, 暫時都唔算大問題, 檢查報告內圓型圖顯示, 有黃色即暫時無問題, 但要多加留意, 出現紅色就嚴重, 要接受治療. 醫生叫我放心, 定期驗眼保平安.

上星期驗眼時, 醫生俾左三樽人一工淚液, 以保持眼晴濕潤, , 四個月後再覆診.

140602端陽晨運

酷熱警告, 遲出門會熱傻.

昨晚, 媽咪提議早起身, 行完先食早餐喎.

我地六點就起身, 六點半出門, 走左一班車, 要七點十分先到小瀝源.

一早, 蟬聲不絕.

140601白腊下水禮

二表姐考完文憑試開始有空檔, 剛好今日佢又唔駛幫人補習, 但大表姐剛剛相反, 而且大姨丈同大姨媽又拍拖返大陸玩, 二表姐約我地一齊出動, 行山唔合適, 一於齊齊去白腊, 進行今年正式下水禮.

一早有雨, 來到又幾好天呀.