140329黃雨雷暴腰斬東大古道行

天文台預計今日有一兩陣驟雨, 大細媽心大心細, 同唔同我出去玩.

諗住行石屎路, 大欖定東大好呢?

大細媽見迪蘇上星期日, 順利由東涌行去大澳, 沙螺灣無封村, 一於又搏下玩半日, 希望下午先有雨, 最多後段就由細媽愛的抱抱.

我地到東涌時, 見剛掛上雷暴警告, 當時都諗打消念頭, 但媽咪上網, 見雨落在大欖一帶, 一於照行.

每次, 細媽都把我過晒新基棚, 為怕有村狗出來跟實我.

由大澳中心行來時, 遇到一班乘涼婆婆, 佢地話我成隻馬騮仔咁, 我似咩


在東涌市, 灑了少少雨, 來到大澳, 又唔太濕喎.

天陰陰, 唔太曬, 啱晒我呀.

早段山徑, 唔錯, 全家輕輕鬆鬆.

上次上虎山, 今日就在象山下經過.

上石級時, 又灑少少雨, 婆婆行左一陣, 就扮似行左好耐咁

上年來時, 都無咁多躉船.

兩年後, 珠港澳大橋起好後, 原本望向珠江口一邊, 似一望無際, 就變了一條橫線遮了水平海面了. 而白海豚亦唔知能否適應, 搵到合占適棲息處

我都係影多幾張相, 為呢刻留影先.

終於過晒山路, 媽咪話打後係石屎路, 有驟雨都唔驚.

快到茜草灣, 雨點大了, 細媽諗住抱我一陣, 免得我被雨滴濕身.

見雨又停了, 原本又可以行.

點知過左茜草灣, 大約 10:45am. 天黑晒, 細媽仲見有閃電打落海, 媽咪睇手機, 又雷暴警告. 雨及雷聲逐漸密, 媽咪計返, 如果繼續行, 按以往經驗, 又加埋大雨, 起碼要行多接近四個鐘, 但原路折返, 預個半鐘可以回大澳市中心, 加上雨勢頗大, 仲有黃雨, 又唔知會持續幾耐, 又怕停了又再落, 全家商量後, 決定返回大澳有著數.

雷聲打在頭頂, 大細媽都好驚會俾雷擊中, 雨大又有風, 擔雨遮都遮唔到太多, 幸好媽咪隨身備有兩件便利雨衣, 我立即上私家車, 細媽同婆婆著埋便利雨衣, 咁先無淋濕, 而媽咪收起相機, 但就下半身濕晒.

冒大雨行了半小時多, 雷雨雲遠離, 雨細返, 媽咪先敢拎返相機, 影下全家狼狽樣

呢帶係山路係砂質路, 唔係泥路, 無行到成腳泥濘.

但雨太大, 砂質路都去唔切水, 細媽話, 有幾段似玩激流.

媽咪在未入山路前, 找到一根樹枝, 俾婆婆當行手杖助行, 唔怕跣倒地上.

我就縮在雨衣內避雨, 好無癮.

到寶珠潭, 雨終於肯停, 返到市中心, 我悶到呆晒.

雲層高返, 短時間內, 應該無雨.

媽咪話不如去東方小衹園食素, 我唔反對, 起碼有海濱路行下.

有無咁邪, 東方小忠園又休息, 唔通星期六係例期

唉, 無法子, 惟有返大澳市中心, 搵間茶餐室食午餐, 然後早些回家.
回家車途, 又落下雨, 相信明天都係留家, 細媽自己玩煮飯仔.