140316模擬吐露港單車樂

上星期六沿單車徑往馬料水段, 大細媽忽發奇想, 幻想踩單車去大埔 XD

但細媽及婆婆唔識, 媽咪 N 年無踩過, 根本無可能.

於是佢地諗, 不如行路上大埔, 但上星期到馬料水, 單車路同行人路已經分開, 驚唔識點轉, 想到反轉由大埔行返去沙田.

我地決定由大埔廣福邨對面的狗公園起步, 睇住公園建成, 經過咁多次, 都未入過來, 原來呢度都唔錯, 種了好多樹, 幾年後, 綠樹成蔭, 就可以狂樹下盛涼遮蔭.

呢度都幾大, 有水喉同足夠垃圾桶, 仲見有街坊來玩呀.

我都行返轉, 順便放低幾兩先起行.

放鬆左, 心暢愉快, 大細媽話我地沿單車徑旁的行人路走, 要我著定運動衫.

往廣福邨的天橋, 每當紅棉盛開, 仲見有龍友來影花, 我無留低阻佢地.

起步無耐, 行人路都幾窄.

幸好行了一段, 路面闊了, 媽咪話只要我乖乖跟實, 唔走出單車路, 就俾我自由行.

一路行, 見海傍路邊岩石位, 有很多貓糧同魚肉, 就知附近一定有貓咪出沒.
原來真係好多呀.

我行近佢地, 我地四目交投.

睇下佢地幾優閒咁曬太陽, 都無興趣望下我.

呢隻四蹄踏雪.

多數都係黃白紋.

全段單車徑, 無乜樹蔭.

所以夏天係唔適合行.

今日天陰雲厚, 氣暖都唔夠20度, 行得超舒服.

沿途仲好多休息位.

行下又可以坐下飲雞湯.

我知星期日, 來往單車極多.

我溜後都追返大細媽.

我地跟隨單車徑, 轉入已入伙的天賦海灣, 左邊係白石角海濱長廊, 我唔可以入去行, 惟有行外邊狹窄行人路, 右邊望下低於地面的地下豪宅, 真係十室十空.

單車徑旁的小植物已長滿, 但始終保唔到私穩, 除非長期落窗簾.

三月杜鵑花花期.

又係時候去賞花.

快到科學院, 有小食亭,大人 篤下魚蛋止口痕.

媽咪知呢度有食肆, 又見有狗地來過, 而且周圍號, 仲諗住幫襯, 原來周圍都擺晒大大個牌 "請勿携犬內進", 無處不在, 原來成個科學園都係禁止狗地入, 我地僅係唔入啦, 免得俾人鬧同惹人反感.

仲早, 最多行快D, 返去沙田先午飯.

不經不覺, 行到馬料水碼頭.

我地上星期來, 剛好落雨, 成地濕, 望唔見對面馬鞍山一帶高樓.

今日地乾, 但又要趕時間食午餐.

又要急急步.

轉入水廠街, 行人路又收窄, 我唔太想行, 私家車又出動.

轉返出城門河口, 有大橋過亞公角, 都 1 點半, 如果行去沙角邨, 一定好耐, 於是改變主意.

行去大水坑食飯.


我地好耐無來呢度了.

細媽就係怕我亂闖行出單車徑, 嚇壞人家, 先轉由小瀝源起步咋.

玩左兩日, 夠皮了. 都係早些回家洗白白, 事關黃家三女子都咳, 等佢地休養生息, 早D好.