140301城門水塘仙蹤往大埔

預左今星期天氣麻麻, 但揀適當地點, 一樣行得開開心心.

細媽話初春來, 潮濕多霧, 行石屎路啦, 上星期行完大浪灣遠足徑, 今日行城門水塘, 沿畔塘徑再轉往大埔滘.

我知道自己生日, 心情特別靚.

細媽仲整左一頂搶眼太陽帽, 顯得特別醒神.

起步, 地面幾乾爽.

細媽細心整咁多太陽帽, 唔係想行山時引來注目.

而係將女為悅己者容反映在我身上, 既然要整來防陽光及紫外光, 點解唔整靚D

生日蛋糕及太陽帽係細媽送俾我, 好有用.

但今晚有無更實際D生日禮物呀

細媽 : 昨日返工, 無時間準備, 今晚等我諗諗.

究竟係咪最近又常餐呢

沿途兩旁樹蔭都生了嫩芽, 有紅有青有橙, 如果在陽光下, 相信更靚.

原本係沿畔塘徑落水塘, 細媽話涼涼地, 不如上埋草山.

但越上越濕, 我肚仔同四手腳都濕晒.

如果再上, 濕度更高, 由草山行山要行石級落, 媽咪怕地滑, 跣到婆婆, 我地唔會叫婆婆搵命搏, 老人家跌倒一次, 好多時都難快痊癒, 小心為上, 一於轉左落, 接上鉛礦劼段.

起初都濕濕地.

越接近低海拔, 霧氣少了, 地面都乾爽些.

又見分岔位, 轉左可以去標本林, 接回返衛奕信徑第七段, 我地轉右就接返鉛滘段.

又分岔位, 轉落往鉛礦坳, 可以去下廁所, 但我地唔想又花時間上返呢度, 當然轉右啦.

大埔滘林道都無霧水, 我肚仔及腳毛開始乾.

初春, 萬象更新, 植物爆發時, 每種形態都好獨特.

進入大埔滘自然護埋區.

今日都見好多馬騮, 我都好留意下四周.

婆婆有點點傷風, 無大礙, 行下山, 吸下清新空氣, 對身體更好.

我昨日已經係9 歲伯伯, 壯年尾聲, 準備慢慢步入老年. 早幾年還精力旺盛, 我同婆婆都衝了香港多個高峰, 踏遍好多山頭, 但我兩婆孫都大了, 以後行山, 都會量力而為, 重踏安全舊足跡, 睇清楚天氣先出動, 咁就萬無一失, 當然, 媽咪都希望有時間, 抽空搵一些適合我地行的新地方.

我唔會孤獨行, 因我知我身後, 有大細媽及婆婆跟實我.

到涼亭廁所位, 有好多馬騮在樹上, 細媽話如果落大埔公路, 要抱我較長時間來避馬騮及車, 都係向大埔墟火車站走, 方便多.

今日, 媽咪想到應該有捷徑行去運頭塘村, 唔需要行去廣福村, 以後都係咁途徑回家喇