140309驟雨後的獅子會

昨晚, 細媽話落雨唔去街, 最多落樓下附近行下, 仲諗緊今日整乜野午晚餐㖭.

點知起身, 媽咪見可望遠處的山景, 視野遠, 即係可以去遠點, 反正今日一定要沖涼, 一於來獅子會掘沙.

想唔到車入到大涌口附近, 全地濕晒, 媽咪即上網睇, 雨雲剛剛走了, 咪成地濕漉漉, 又係又凍又濕, 既然都到, 算喇.

上星期來, 杜鵑花仲未太盛開, 今日唔同了.

我都唔埋成日濕, 周圍探索.

周圍走.

凍冰冰, 笑唔出.

清明花開了, 即快到清明節.

下星期再係咁天氣的話, 我都要留家中.

細媽叫我行石屎路, 我真係唔埋佢.

行草地, 對我腳仔好D呀, 返屋企都係媽咪幫我沖涼, 我玩盡D先.

我唔笑, 媽咪成日擔心我牛蜱病翻發.

媽咪, 我食得, 瞓得呀.

咖啡豆花.

咦, 仙霧又散了.

 

即係雲層高, 水氣散了, 短時間唔會有雨.

但我玩左兩個多鐘, 細媽話凍呀, 早些返屋企, 入夜前沖涼先唔會凍病.

 我都想玩多陣, 但腳仔濕又係幾凍, 惟有又希望下星期見晴啦.