我地在大欖隧道轉車站集合, 再轉小巴往落馬洲皇巴出發.
我咁大個仔, 都係第一次來落馬洲咋.
落馬洲旁的洲頭村牌坊起步, 入到村, 各家都放炮仗過節, 好彩已經放晒, 唔駛嚇親我.
先入洲頭村參觀舊村屋.
文氏的積善書室, 雖然門外貼有外人免進, 但村民好有善, 叫我地入內參觀.
書室外放左舊石磨作裝飾, 好別緻.
再轉回到潘屋村, 再經潘屋村村公所.
沿絲帶出返去落馬洲路.
跟住落馬洲路上瞭望台.
原來係落馬洲公園.
平常係唔俾我入, 但有工人話今日係初一, 無管理員巡邏, 叫媽咪帶我入埋去玩下.
大細媽為免我周圍走, 叫我乖乖影下相算, 呢度可以望去對面的深圳市, 細媽成日話我唔知係咪在深圳出世, 再偷渡來港, 激屎.
公園外有個昔日的禁區牌.
婆婆偷越邊境, 等我捉住佢罪證先.
離開公園, 行前少少就係落馬洲警署, 生不入官門, 我當然唔入啦.
行前約幾米, 靠左跨過石壆, 見有條小徑, 開始正式今日精彩行程.
因為媽咪知要上上下下幾個矮山頭, 同知道終點, 但就唔清楚實際行情.
肥舅父一家見去河上鄉食豆腐花, 又會去塱原濕地, 被行程吸引而參加.
想唔到係行絲帶路, 咁我地四口組當然覺好玩.
但舅母同三表姐似上左賊船咁, 無得跳船, 幸好佢地帶埋行山手仗咋.
其實條徑係好清晰, 只係雜草生得矮, 同我一樣高, 我要低頭爬上山.
爬呀爬, 好刺激, 媽咪係唔識帶我地三個行.
大姨太太同姨丈殿後.
上高些, 望遠些, 對面高樓係深圳, 香港未回歸時, 呢帶係禁區, 無禁區紙係唔可以入來.
上完一個小山頭, 原來仲有幾個呀.
繼續再上另一山頂, 肥舅父一家已經上了很高.
草太密, 我根本好難前進, 大細媽輪流抱我, 少雜草先自己行.
好奇怪, 竟然有白千層, 大姨媽話可能係風吹種子來.
咁怪, 有鐵絲網 ?
大姨媽話呢個係昔日用來分中英界用.
好奇特的植物, 呢帶好多, 全棵唔會太大, 或者係冬天喇, 所以變了橙色.
大姨媽話行到對面就落山, 仲有好遠喎.
整片山頭, 仍有鐵絲網遺跡.
落山路係碎石路, 但比蚺蛇尖易多.
我無一定跟實大細媽, 我按我腳步沿大隊行.
只係成日沒入草叢中.
好有偷竊感覺.
當經過一個唔需要上的山頭, 大姨媽同大姨丈實跑上去望風景.
如果無大姨媽引路, 我地根本無機會來, 望望邊界.
終於抵達鐵坑山 (140米), 唔太高, 但對舅母同三表姊就絕對深刻.
大姨媽同肫舅父開始派利是, 全家喜氣洋洋.
今日路程唔夠10 公里, 但肥舅父一家少咁行, 我地唔可以拖太長時間, 怕入黑返唔到繁華地.
回望剛才行過的路.
上山容易, 落山難.
落山要小心.
圍網已經剪斷開了路.
穿越鐵絲網越過昔日禁區, 好緊張.
好似話鐵絲網會陸續收拾, 其實留下仲好, 留返歷史遺址呀.
山下是昔日禁區馬草壟村.
相隔繁華地, 情願保留現貌.
落山到馬草壟村.
又入密林.
今日至難一段斜坡, 睇下細媽要捉實樹枝借力落.
二表姊扶三表姊, 大姨媽幫舅母.
肥舅父及大姨丈扶婆婆, 大姨媽協助, 媽咪殿後, 全家完全到平地.
本來大姨媽想穿越一個位到另一景點, 但路已經被圍封, 惟有轉另一個位置出.
原來經過係叫蛇嶺村.
我地經馬草壟路行, 又見美麗桃花.
仲有蕉花.
燦爛梅花.
全棵長得密密麻麻的白梅花, 全家第一次見呀.
因為係沿車路行, 細媽抱我咋, 我已經攰到唔識笑.
接著行去料壆村.
再沿邊界道路往羅湖得月樓.
到梧桐河羅湖香港邊境.
我呢世仔都唔會去的羅湖邊境大樓.
仲在警崗影相.
警察哥哥好友善, 望住我笑呀.
唔留太耐, 我地治梧桐河向上水方向行.
我以為有捷徑, 誤行左上石壆.
細媽: 洛洛, 小心跌落河呀
笨左都要頂硬上.
返轉頭, 難轉身, 惟有局住前行.
好彩有驚無險, 快回平路.
下次都係跟實大人行, 唔好自作聰明.
到雙魚河, 咪好快有豆花食.
全家肚仔餓了.
好心急.
河上鄉居石侯公祠, 附近就有豆花廠.
本來想去食任食豆花, 點知新春期間休息, 仲有張謝絕寵物入內, 媽咪事後上網查, 原來河上鄉有幾間任食豆花店呀, 但都應該係一樣休息. 惟有找間士多, 全家食餐蛋麵當新春第一餐
接住行去塱原濕地.
行了一天, 疲倦盡現了.
濕地越來越少, 其實應該好好保育下.
塱原濕地的夕陽西下.
黃昏了, 我地經石上河, 快點行去上水, 再坐車返屋企附近, 一齊食團拜大餐先.
沒有留言:
張貼留言