2014年1月11日

140111攻上蚺蛇尖

媽咪每次行大浪西遠足徑, 見蚺蛇尖, 都恨不得試下, 但浮碎石路, 佢同細媽又怕應付唔到.
見迪蘇同小噹子元旦行, 佢又心癢癢, 問問細媽, 細媽都想試下, 當然唔可以預婆婆啦, 婆婆話佢可以留家, 無問題. 
為左預多些時間, 今日08:10am就起步.



驚天黑都未到西灣亭, 我地專心行.

可能我地出發早, 行山人士唔多.

昨日仲好大煙霞, 今日晴朗多.

行左一個鐘先到呢度咋, 我地唔敢太急, 要留力.

半個鐘到大浪坳, 準備攻上尖.

好多警告牌, 提醒大家, 我地有晒心理準備, 帶埋手套呀.

頭段唔難.

近左D.


呢段平路, 係甜頭.


到達十字路, 即蚺蛇坳, 我地真係要上碎石斜坡了.



初初唔難.

接著來料.


我重心低, 無大細媽爬得咁論盡.



好斜, 又多碎石, 大細媽俯身用手爬.

蚺蛇尖又近了.



火災後的狐狸叫, 蛋家灣及高流灣咀.

上了一段斜, 又會有一段平路回氣.

又往上爬.


又到回氣位, 飲下雞湯補充體力.

呢段路分左右, 左邊較斜及危險, 好易跣落山坡, 路較短; 右邊要上山頂, 但比較安全些, 我地僅係揀右邊.

媽咪話, 上山只係爬下, 唔算難.

繼續爬.

回望返行過的路.

山頂好近我地喇, 仲有呢段咋.

大姨媽提過我地, 距離頂50米下, 右邊有條淆底徑, 咁上到來放棄, 唔係卦.

勇者無懼.

臨尾一段, 突然勁風吹.

我就又上又落, 幫大細媽打氣.

11:23am 抵達蚺蛇尖, 事實上來係唔難.


喂, 停陣風好喎, 我身後係米粉頂, 下個目的地.

很多哥哥姐姐讚我狗仔細細, 咁好腳力.

咁我鍾意行山o麻.

唔上來, 根本無機會望到咁靚景.

蚺蛇灣.

千溪海岸.

仲有係望晒大浪四灣添. 難得上來, 細媽批准媽咪影多幾張相, 因為還了心願, 唔會再多次上來了.

休息夠, 全日最艱鉅行程來了.

我地行得慢, 讓其他人先.落

留左一段, 媽咪企左係度, 點都落唔到呢舊企直的岩石, 細媽惟有先試, 再抱我落下來, 媽咪除下個背囊交細媽, 背貼岩壁先落到, 真瘀.

我企呢個位, 大家就明有幾直同高.



匯合淆底徑, 回望曾在頂的蚺蛇尖.


有稍平路, 休息下要行. 因為仲有一大段落山碎石路.

米粉項.

如果唔係面向太陽及煙霞, 就可以睇清四灣.

我地無上米粉頂西崗, 我地繞過靠左的小徑呀.

東崗就唔可以偷雞, 因為靠右小徑易墮崖.
上頂必定落, 每級都高, 我落真係難, 而且已經覺有點攰, 細媽抱起我, 步步為營地落, 媽咪落得超慢, 只可在高位望我地.



多謝細媽, 我地經晒米粉頂, 一半咋.

基本係屁股坐下咁落.

到東灣坳, 一大段碎石路, 其實未完.


見東灣, 快到底予.

回望東灣山, 我地唔會上了.

14:02pm 到小溪旁, 要過對面. 所有行山人過晒我地, 無得跟人. 媽咪要靠早前上網睇的資料, 搵過大灣的山路.

東灣營地.

慢慢睇, 搵到正確路.


深坑位, 我要爬上去.


回望由蚺蛇尖的一大段背脊, 我地就係在泥路滑落.

如果去埋東灣山, 仲要行好多路呀.

大姨媽叫我地, 難得來, 出埋我身後的長咀, 佢真高估大細媽.

東灣山同長咀, 真係長, 媽咪要打側影先晒鏡.

東灣坳下來, 媽咪叫細媽跟實呢條引路粉紅絲帶, 就唔怕又上返山

終於抵達大灣喇.

今日超大浪, 怪不得我地山上吹到傻.



細媽本來唔想爬呢度過鹹田灣, 但媽咪話要兜多好多路, 細媽惟有照爬上去.

其實行呢度, 絕對無蝕, 可以高位再飽覽大灣呀.

辛苦到來, 剛好15:05pm, 媽咪堅持在安記氐士多嘆杯凍飲, 嘩, 超正.
檸蜜超多蜜, 夠晒味.
凍奶茶, 茶味濃, 勁多奶, 老闆話要煲出茶味先好飲, 未試過咁好味

遲些要帶婆婆來試下其他美食.

經過長征又上又落, 細媽怕我攰過度, 掉落水, 抱我過河.

今早我地仲在468米尖頂, 現在已左水平線.

三母子來張合照先.

時間唔早, 要急步行.


我地在山頂已經見呢架水警輪, 現在仍在海中, 唔知執行乜野任務呢?

快到舊曆新年, 開始有吊鐘花, 又要計下時機先

藍天下, 西灣更靚.

今日見到好多大浪黑狗地, 媽咪見呢隻狗女跟來, 請佢食雞乾, 唔知佢會唔會同大細妹有親戚關係呢

已經 16:16pm, 我地仲在大浪西灣.

玩到月亮出來了.

村巴尾車係 16:45am, 我地趕唔到, 惟有出到西灣亭再作打算.

上左一段, 細媽怕我過勞, 又要我上私家車.

玩到太陽快下山, 我地真叻, 比其他人行得長..........時間

無法喇, 大細媽最怕碎石斜落, 唔敢大步, 足足用左2小時20分鐘落到水平地.

我地出西灣亭時, 都間中見有露營客入來, 媽咪拎住會有的士, 無提早call車, 點知竟然無車呢.
當我地諗住等運到時, 竟有村巴入來, 仲要係叔叔呀, 佢話專登入來接我地
佢當然講笑, 佢知今日天氣好, 加多兩班車接行山客, 呢班係最後一班, 我地好好彩

今日08:11 至 17:13, 頭尾9 個鐘, 行左15 公里, 我一上車已經倒頭大睡

6 則留言:

  1. 嘩 @@景超靚, 路真難, 睇咗當去咗XDXDD
    你地今日真係長征啊, 由早行到巴黃昏, 勁! (拍手掌)

    回覆刪除
    回覆
    1. 我地本來想睇人家當自己行左算, 最後都係想同洛洛來一次人狗生至少一次的難忘經歷^^

      刪除
  2. 又多碎石,又斜,都幾難行嗰喎

    回覆刪除