140118荃錦坳至清快塘

一連兩星期, 都得我地三母子挑戰長征, 今日唔可以留低婆婆, 媽咪狀態唔太好, 咁我地就行下簡單D.

今早起身凍, 但下午應該暖返些, 細媽無幫我著衫, 免得又打晒結, 攬埋張被仔來荃錦坳, 起步先收起.

好彩唔算太凍, 否則我一定騰騰震呀.

當天熱時, 就想全路有樹蔭, 但天寒就當然想有陽光啦.

全家都無除衫, 我更加唔會張口啦, 失溫點算.

嘩, 陽光下, 跑幾跑, 熱下身.

暖烘烘陽光, 好舒服呀.

唔好以為我只識企定定影相, 我好兔脫, 成日跑來跑去, 無時停.

當媽咪叫我乖乖咁影相, 我又好識做, 好似呢張全家福咪係囉.

今日多車駛去田夫仔, 全程都要留意往來的越野單車同私家車.

大欖郊野公園新設左越野單車障礙訓練場, 但我地從未見有人來練習過.

好浪費喎.

等我用下就唔嘥.

媽咪攰, 我地唔去太遠, 所以轉去清快塘段.

溫度越來越舒適.

我可以開懷笑了.

我地邊行, 邊欣賞吊鐘花, 雖然吊鐘花多生山坡, 我地同花有一段距離,但滿山都有, 點綴全段路.

又進入清快塘村的小徑.

如果早兩三星期來, 呢度會有不同影貌.

因為有一大排楓香呀.

葉已枯, 仍未掉落, 掛在樹梢, 一樣靚.

由清快塘落深井, 一樣有發現, 行山真多收穫.

諗住今日行半天, 可以早返家, 點知在深井食午餐時, 媽咪碟粉漏單已等, 去荃灣民豐買水餃又排左超過半個鐘, 我就呆等, 最後 5點先返到屋企呢.