140125鹿湖郊遊徑尋吊鐘

上星期在深井, 已經見有吊鐘花開完及結果, 所以媽咪決定今日行鹿湖郊遊徑尋花, 大姨媽昨晚知我地計劃, 都一齊參與.

起步一段石級, 見好幾棵吊鐘花已經枯萎掉下, 唔係卦, 仲未到一月尾喎

 

皇天不負有心人

見喇, 見喇

藍天下 .

滿山吊鐘紅, 幾靚.

因為呢帶吊鐘樹多在路邊, 賞紅更方便.

每年都只係近舊曆年前後先有, 又要睇天氣, 上年多雨, 我地為避開雨天日子, 錯過最盛開花期.

今年天氣唔錯, 早些來尋紅, 時間配合, 仲可以下次行另一段.

呢幾年, 吊鐘樹越長越高, 細媽就快唔夠高抬高我

幾驚有煙霞, 好彩無呀, 農曆年期間都係和暖晴天, 叫媽咪好好計劃先.

預左HEA來細賞美景.

大姨媽都唔再似平時在山野狂奔, 為每棵花留影.

轉埋呢段, 就到情意結地點

到雙鹿石澗夾萬坑, 但咁多年來, 都遇唔返有緣人.

希望佢地有一日, 在山頭認得我係因佢地而變戴帽小男孩

繼續上鹿湖村.

下鹿湖村.

呢段路比較少吊鐘花, 因為大姨媽話吊鐘花係揀方向位置生長.

今日決定行足全段郊遊徑, 要攀好多石級上鹿湖平原.

往赤徑都有好多吊鐘樹, 媽咪想遲些再來.

我同細媽及大姨媽一馬當先登呢段天梯.

弱兵媽咪同冬瓜婆婆慢慢上, 媽咪無乜力氣, 好彩都捱到上來幫我影相.

上高點係值得的.

雖然唔係上好高, 但回望赤徑及蚺蛇尖, 感覺好舒服.

遠望以為係紅嫩葉, 行近原來又係吊鐘.

上鹿湖平原的石級, 媽咪見到 BB蛇, 驚佢俾其他人發現, 媽咪用樹枝送佢入回草叢.

上到鹿湖平原的露營區, 好熱好曬, 幸好有足夠食水.

我好醒目, 要樹蔭下先會停低俾媽咪影相.

但無足夠光線, 又唔影我我靚仔, 惟有要媽咪爽D手.

印象呢段唔係鋪左石路, 可能路太爛, 政府安排鋪好少少.

落山途中呢兩棵吊鐘花剛出花苞咋.

過多幾日, 肯定全棵紅花.

到小水霸, 原來我身後係一絲瀑, 因為我地唔會在雨季來, 所以無緣欣賞.

行去北潭凹定鰂魚湖好呢

都係按照郊遊徑行啦.

到燒烤區, 大細媽又提我問人家拎麵包食瘀事

行晒全段徑, 到北潭路, 我要抱抱喇.

我地沿馬路往鰂魚湖時, 發現一棵好大的單瓣桃花, 又話天氣凍, 趕唔到花期

單瓣桃花能增加人緣, 等我沾下先