140104橫七上黃嶺探八仙

早排行橫七古道時, 見有路上黃嶺, 咁咪可以又去搵八仙o囉, 但媽咪上網搵, 又好少上黃嶺呢段路路況資料, 婆婆一聽到行八仙嶺就驚, 鬼咩, 我地由鶴藪水塘上過兩次, 以婆婆冬瓜短腳身型, 初段的天梯上屏風山, 佢要四手腳攀爬, 所以我地唔勉強, 婆婆叫我地探路先喎.

為左早去早回, 我地 8:15am 就起步. 

我地由八仙嶺自然教育徑出發, 咁繞一個大圈, 橫越八仙嶺落返大尾督.

早出發, 陽光仍是金黃色的.

為左記錄時間, 每到一個點, 媽咪都叫我打咭鐘, 同婆婆行要 40分鐘, 我地三母子係 30分鐘

接返衛奕信徑行橫七古道.

先抵橫山腳上村.

在往下村時, 突然見條青竹蛇, 細媽成個彈起, 叫我即走開.

9:15am 抵達橫山腳下村.

過橫山腳南橋.

9:33am 到 W131, 見第一個上黃嶺的分岔位, 上次同婆婆行用左 2 小時 40分鐘, 快左 1 小時 22分鐘
媽咪問過大姨媽, 睇地圖, 呢條路上斜坡度, 比另一條路稍為無咁大, 但媽咪再拎地圖睇, 因為呢段係虛線小徑, 並非實線, 即是路段可以會多碎石, 加上無木製路標, 媽咪決定再多行一公里往另一條路上黃嶺.

其實呢條路有寫往黃嶺, 係約 3 公里約 1.5小時.

再過橫山腳北橋.

9:58am 又到上山路口 W133.

點解揀呢條上, 就係呢個路標, 我地係探路, 所以揀一條較官方路o羅.

地圖顯示, 係慢慢斜上, 而且係實線, 即路段會有修整下, 好似初段上, 已經有木板圍成一級級

條路 OK 喎.

行啊呢D路, 唔太辛苦.

當然有些係爛碎石路喇.

都唔難.

最鍾意係行石砌路.

10:37am 又見路牌, 見唔見指向橫山腳呀, 如果我地由第一條路上, 都會行到呢個位o架.

兩條路歸一, 向黃嶺方向進發.

因為行上山, 加上太陽已經升高, 溫度高了, 大細媽行到滿頭大汗.

大細媽, 加油, 我相信快到大路.

11:14am, 咦, 見路牌喇, 我地用左 3 小時上到來.

因為我地係去八仙嶺, 我地唔打算行多半公里上黃嶺接返衛奕信徑.

我地向八仙嶺行, 咁會接返W121.

唔講喇, 又起步.

我地會經犁壁山, 上八仙嶺第一個峰 : 純陽峰, 遠遠最高點就係.

接返W121,  我身後左邊係衛奕徑, 我地由右邊小徑到此點.

回望黃嶺及屏風山一帶, 媽咪又心郁郁想再行第三次.

見到一大段梯級上純陽峰, 其實大細媽有D怕, 事實行山路易過行石屎梯級呀.

級級又級級, 終於上到第一個峰.

(呂)純陽峰 (海拔590 M)

(漢)鐘離峰 (海拔529M)

咦, 似新整, 以前未見過, 坐下先.

(張)果老峰 (海拔543M)

不斷上落梯級, 加上太陽當空, 氣溫有成攝氏廿幾度, 仲辛苦過由新娘潭上來, 途中, 細媽有灑水在我背脊降溫.

(鐵)拐李峰 (海拔522M)

曹(國)舅峰 (海拔508M)

(藍)采和峰 (海拔 489M)

嘩, 對面一個峰, 要落好低再上, 媽咪停了好多次休息.

(韓)湘子峰 (海拔513M)

13:33pm, 當上最後的(何)仙姑峰 (海拔511M), 媽咪墮後, 停了好多次, 因為怕谷得太快上, 佢怕會抽筋.

探完八仙, 我地希望婆婆身體健康, 再陪我地再戰八仙.

呵呵, 細媽話唔好留太耐, 希望早些回家, 約婆婆出來食晚飯呀.

20分鐘碌左落來, 接返自然教育徑.

我又休息一陣, 飲碗雞湯又起步.

我地專心行.

未夠 3 點到春風亭.

3 點到教育徑入口, 完成今日行程, 大約用左 6小時 45 分鐘包埋午餐小休飲水同影相, 行左 12公里, 同鶴藪水塘上相若, 如果同凡婆婆行, 我地估計 5 點半都可以行完掛