朝早人頭湧湧, 仲咁大風, 吹到我都企唔穩呢.
原來今日有中國沿岸馬拉松, 怪不得喇.
幸好我地係行上窰郊遊徑, 唔怕同佢地爭路.
今日雲較昨日厚, 陽光少左, 凍凍地, 又搞到要做木臉少年.
曬住都唔暖.
係見藍天, 但有涼涼風, 吹到媽咪又敏感咳呀.
弱兵媽咪, 你要好好保護身體, 下星期天氣好, 你要帶我去玩o架.
婆婆休息兩星期, 昨日行完, 今日仲話未夠皮.
呢條路又真係短左D, 但起碼媽咪暈低都易搵救護呀
唔知係咪長跑, 今日少左人行呢段.
好快到呢個位, 要諗下點先.
呀, 不如去埋起子灣小碼頭喇.
其實可以行埋家樂徑, 但細媽話唔好行, 要就媽咪.
講真, 行出紅樹林岸邊, 又真係靚好多.
其實對面係咪雞公山呢?
邊座山都無所謂, 我記得我都上過
每次經過起子灣村, 媽咪都探頭偷偷望荒廢村屋內, 佢成日怕見野呀
白天唔會咁巧合
又出返上窰民物館外的小碼頭.
打咭地方, 主要係記錄時間, 媽咪驚唔知每次行時, 要花幾耐時間, 成日叫我幫手, 咁我又可以拎more 勞費
出返龍坑的小橋.
賽事仲完畢, 好彩都無大塞車.
當去北潭涌停車場, 呢棵楓香仍然艷紅, 我地年年都有幸見, 可能我地成日都來上窰喇
要早返屋企休息, 媽咪, 你要休息夠, 你應承左我, 陪我去玩o架
沒有留言:
張貼留言