131008打針日

時間真快, 又一年了, 今日媽咪專登請半日假, 下午趕返來, 同我去打一年一度預防疫苗.

近排腸胃系統差了些, 星期日行山大便後, 暫時都無便便, 兩日積埋連體重係 5.8 KGS

今日係姐姐醫生睇我, 除了探熱, 亦都周身摸我, 又用聽筒聽心肺, 媽咪臨場即時諗要問乜野, 唔好放過機會.

腸胃差, 係年紀開始大, 腸胃會較以前年輕時敏感, 因為我食Home made, 姐姐醫生唔建議俾鴨肉, 因為外間買到的鴨肉不保證, 會較多毒素, 令敏感增加, 最好食雞牛羊. 加飯同南瓜及蔬菜就窗好無問題. (媽咪問漏了可唔可以食鴕鳥...)

姐姐摸我肚仔及頭仔, 佢話唔覺我有太多硬便積在肚, 又唔覺有異樣, 大致OK.

佢話長期食益生菌係無問題, 唔會為此而令腸胃失去自制益生菌能力.

又問我, 點解牙仔咁白, 係咪日日掃牙, 其實媽咪好鬼懶, 最大功勞係閣樓狗屋Suki 姐姐介紹的一隻潔牙酵素, 咁咪少牙石積聚o羅 hehe

媽咪叫姐姐照埋我眼仔, 我無白內障呀, 眼底好清, 僅係, 我有太陽帽保護靈魂之窗o架

我在全身硬晒軑下打針, 一句"哼"聲都無