2013年10月20日

131020馬鞍山郊遊徑

昨日行石壁郊遊徑, 路程唔長, 但來回長途車程都花左接近 4 小時, 坐到傻, 今日都係行下西貢一帶, 都係方便多, 我地直接坐的士到馬鞍山郊野公園燒烤場, 行下馬鞍山郊遊徑, 始終太陽一出, 對我都係有熱, 唔可以在開揚地方行太長程. 



又係晴朗天呀

昨日基本係落山, 今日就先上後落, 都無難度.

我地行得好慢o架, 婆婆o羅, 行下又停, 東張西望, 拖長晒

到涼亭時, 有幾隻牛在食草, 跟住牛大隊操兵來到, 突然間有成超過10隻, 其中有兩隻公牛為爭一隻母牛, 大打出手, 媽咪急急抱我走, 無影牛

在香港, 唔算多煙霞日子比較少, 真係要愛護地球呀.

媽咪成日想爬上去大金鐘, 但又唔適合婆婆喎.


幾時先可以望落西貢一帶, 無煙霞遮擋呢.

在昂平狂奔, 係我至 like, 點都要跑幾轉先安樂.





諗住繼續行程, 婆婆成日問, 點解唔去露營區, 要專登行入去, 又要出返來, 唔順路, 實情係婆婆想去廁所, 又唔講清楚

到呢個位, 媽咪問行唔行去茅坪, 又轉大水井古道走, 但細媽話咁熱, 快快落山算.

基本我無所謂, 我一早揀左行落去喇

咦, 西貢呢帶有芒草, o岩時候

相信今年應該唔會錯過



呢段下山路係好靚, 係好值得行同欣賞.

婆婆志不在此, 佢一路行, 一路搵山稔, 當我影相時, 又俾媽咪捉到婆婆唔專心行山

好曬呀, 快快行去樹蔭.

小休地, 我又霸到靚位休息


攰呀, 唔想行喇.

好彩打後, 我可以上細媽號咋.

當我地到西貢市中心, 驚覺老闆娘佢地已經將店舖結業, 其實細媽早前顯若聽到好似要加租, 又唔方便問, 終於捱唔到, 以後都無左個地方, 可以舒服咁食午飯了.

徬徨間, 決定去隔鄰的印度鄉村餐廳, 印度侍應姐姐推介雜果賓治.
一來到, 嘩, 全杯係用好多新鮮生果同石榴汁及芒果汁調製, Naam 又大大份, 咖哩又正, 巧巧味呀, 但都唔可以個個星期食辣野o羅  

4 則留言:

  1. 回覆
    1. 基本上 , 大部份已乾了, 但間中見一兩粒仍可食用.

      刪除
  2. 好好天氣啊, 個VIEW 好開揚啊~
    又係敵不住加租 >_<

    回覆刪除
    回覆
    1. 細媽早前聽到老闆講話咁多, 不如唔好做, 原來真的. 現在去西貢搵食好徬徨, 洛洛要入袋呢.

      刪除