2013年10月27日

131027東區自然步道

昨日雖然唔係長程, 但天氣乾燥, 加上午間氣溫都有成 28-29 度, 都攰o架.
今日濕度高返少少, 都係黃色火災警告, 唔講得笑.

因為上年10月底都成日有雨, 搞到利小姐一年一度出巡都無左, 好彩今年天氣晴朗, 利小姐有街出喇


利小姐 : 今日又係我負責老點你行o架


你唔好老點我, 我仲有婆婆跟我o架.

婆婆 : 小利, 唔好呃老人家呀.

婆婆, 放心, 利小姐唔夠我熟路, 你跟住我包無衰

出發.....


不如又過橋, 好嗎

o下, 原來有特定路線, 唔可以楂 fit 添

OK, 我聽媽咪講

好難得近排都係藍天, 究竟下星期又會點呢 


今日有多個團體搞行山活動, 又有越野賽事, 好熱鬧, 路寬闊, 可以容下好多人狗, OK呀




我地唔去大潭下水塘, 一於又回頭.

當然唔揀同路, 由柏架山段上返上水塘霸底.


利小姐, 你第一次來, 點都要留倩影


風繼續吹, 但大細媽不忍遠離我o架



除左紅芒草, 入秋都係草草開花季節.

但草高令細小的我似遮遮掩掩.....

都係企返前面, 唔駛俾草搶鏡

乾燥秋季, 冷氣走廊都只係涼涼地, 好舒服...


越野賽其中一個 check point, 佢地主要跑山路, 我同婆婆唔會阻擋佢地, 唔駛讓路, 各有各行跑

離開大風坳, 落山路, 迎面仍有好多人行上來.



暖暖陽光, 微微清風, 我好享受

利小姐, 你呢, 曬多陣, 吸多D陽光, 你唔係我, 你又要等明年先可以陪我行山喇


 婆婆話呢D係土伏苓花.

兩天假期又結束, 我又有 5 天休息日, 等我好好養精蓄銳, 為下星期二天假期待戰先

4 則留言: