131012大棠至掃管笏村

三日假期, 第一日當然安排行長少少喇.

媽咪見剛開始踏入行山季節, 所以都係揀去大欖水塘一 帶.

昨晚臨瞓前, 終於決定來大棠燒烤場.

唔係來燒烤, 係由大棠自然教育徑起步, 又即係元荃古道起終點(C6126), 諗住接返麥埋浩徑第十段去屯門, 預行 16 公里

細媽唔知今日要行咁長程, 起步時, 無阻止媽咪同我花時間影相, 又無理婆婆好鬼 Hea

話明教育徑, 當然風景靚, 但今日都無乜風, 而且濕度得 60 度以下.

媽咪都預左天氣乾燥, 都帶多一樽後備水, 但佢起步時, 已經成日覺口渴.

諗住似上星期咁, 有涼風吹, 但唔係呀.

好彩係沿小溪行, 途中有好多山水, 我又情不自禁落水行

咁熱天氣, 媽咪都預我唔可以全日保持靚仔樣

又話有雲遮下, 幾咁好陽光

又忍唔住落水浸

做乜話我, 又話唔介意我濕身

咦, 快出路口喇.

到C6119, 即係行左 3.5 公里, 接上麥埋浩徑M175.

我地 08 年 3 月 29日曾經由屯門逆行全段第十段, 但09年10月1 日改道後, 媽咪想行下呢 5 公里新路段呀

出得來, 通常都係媽咪決定行程, 我無異議, 繼續沿車路前進.

行到呢度, 婆婆提議唔行車路, 行大欖自然教育徑去伯公坳.

咁行樹蔭下又舒服D, 又唔怕往來的越野單車.

婆婆記得早排由呢度行去大棠荔枝園, 仲有記性

行返上車路, 接回麥埋浩徑.

又舒服路.

紅木, 又叫胭脂樹, 又有花, 又有果實.

又上山喇.

不停石級, 休息下.

等下婆婆慢慢上.

我地今日 9:30am 起步, 到 M179 已經快 12 點, 好慢呀.

新路段好曬, 但風景唔錯.

又到分岔位, 有路去大欖水塘o架, 睇地圖, 應該係接去舊徑即越野單車徑.

咁我地當然按第十段路線行.

又上又落好多石級, 熱到全家傻傻下.

咁曬, 幾時入返樹蔭下.

好彩唔係全程在開揚位咋.

到 M183, 接返車路, 向上行係去黃泥墩水塘, 可以去返大棠走. 又可以上九逕山, 但路段碎石多, 又長路, 唔適合我一家行呢.

打後都係車路, 唔難行.

仲可以欣賞下大欖水塘 - 千島湖

到 M185, 行入小徑, 就係以前的麥徑, 現在改為越野單車徑.

雖然媽咪多帶水, 但今日乾燥天氣, 全家都飲好多水, 由 M186 行埋去屯門, 仲有 7 公里, 又熱又唔夠水, 沿途無補給, 都係縮短行程, 一係由呢度行山路落去小欖, 一係行車路去掃管笏.

細媽話唔再行山路, 去掃管笏好D.

於是我地在M187轉去掃管笏, 下次天氣涼點, 再去屯門走.

我地行左1.5公里到掃管笏村天后廟, 見有士多, 即買凍飲解渴
本來以為要再行出去大路, 細媽在天后廟外突然見有專線小巴, 媽咪唔埋去邊, 立即叫細媽放我入袋, 趕快全家跳上車, 相都無影, 幾驚架車走左

下午三點到屯門市中心, 今日計埋行左 11 公里, 其實唔算長, 但天氣真難耐.

當行上天橋, 弱者媽咪右腳又抽筋, 行都行唔到, 又放鬆唔到, 要企定休息 

應該又熱又乾燥, 致水份受鹽份流失情況下先抽筋, 好彩到市區先抽咋, 如果中途或堅持行足全程就出事. 所以我地都會量力而為, 又其事我地老弱殘三位女子, 佢地仲好照顧我o架