131005荃錦坳至大欖隧道轉車站

媽咪上星期知今星期六及日都會有好天氣, 心思思決定試下入秋長征, 原本計劃係行一處婆婆未去過的地方, 但又見煙霞勁, 又怕無樹蔭, 中午時會太熱, 改較舒服的麥理浩徑第九段起步.

早排買的對講機, 今日出場

係就係有 20 條免牌照頻道, 或者呢段太熱門, 我地差不多試晒 20 條頻道都有人佔用, 諗住揀條少人用的, 行行下又俾人 do do 下

今日宜行山, 我地已經俾好多人過晒頭.

好彩決定行呢度, 晨早在陽光下都覺有點熱.

入秋, 仍有好多花兒開.

全段路都有紫花伴行, 你地話行山黠會悶

雖然我知在陽光下, 影相會靚D, 但我知在樹蔭下坐, 唔會曬傻

 當然, 間中都會情況許可, 都俾媽咪影張靚相交差

今日行山, 我好開心呀, 我又帶俾好多人開心, 因為行山人士見我, 都讚我叻仔同好 cute, 希望脅給他們行山時一點樂趣


次次見有路去河背, 我地都無考慮行, 因為細媽話要等車出返元朗好論盡

對講機間中 do do 有人講野, 反正我地今日全家都相距唔遠, 都係關機, 等我地可以聆聽大自然聲音.

大細媽話見著我行山笑樣, 就係佢地返工賺錢原動力

所以我見媽咪用相機對住我, 我都識俾返反應佢呀

昨晚就定了今日起步點, 但就無定目的地, 隨心, 行到邊, 睇心情同體力定

見全家狀態 OK, 一於行去吉慶橋大休食午餐.

我見有水渠, 成日以為有水玩, 成日捐入去

陽光下, 我仍然步履輕鬆
 

就快到大休地點喇

我地去埋吉慶橋個廁所, 再回頭返呢度食午餐, 我近排腸胃差, 只可以望, 無份食

大休時, 媽咪提出幾個目的地, 一係去大棠, 一係去黃泥墩村, 一係去青山公路, 一係去青龍頭, 一係去清快塘, 太多選擇

最後係揀個未去過的新地點 - 大欖隧道轉車站, 呢段路從未行過, 媽咪順便探路

全條路都係車路, 唔難行.

到分岔位, 轉右去河背同石崗, 我地係要轉左邊

有路牌指示, 一定唔會行錯.

全段係沿引水道行, 只係無太多樹蔭, 炎夏一定唔太o岩我行.

但今日都有些涼風, 初秋陽光都唔算過份猛烈

太熱太攰, 我咪上車休息o羅

行左十幾公里, 細媽都怕我太攰, 仲有一小段路要行, 我樂意休息下.

車路係有盡頭, 有清晰路牌指示去轉車站o架.

行下一日, 大細媽沿路都有幫我灑水降溫, 但始終唔及直接行入水玩.

或直接坐在浸地咁爽.

去轉車站伯會接上一小段山路, 都係 3/4 公里o者.

下午天空無一片雲, 可以望去一大片錦田平原.

又到分岔位, 可以接上大欖涌郊遊徑回到我地今日午餐地點.

我地當然係落山啦.

出到路口喇.

打後一段係車路, 唔適合我行, 我當然上細媽號, 然後行去坐車回家.

今日總共行了過 15 公里, 入秋第一次長征, 由08:42am 第一張起步相, 至最後抵15:30pm 抵車站, 行左接近 7 個包埋午餐, 算唔錯