日式芝士狗仔蛋糕

因為今日 7點多就回到家, 細媽又爭取時間整狗仔蛋糕, 希望星期一能帶回公司給同事的大狗狗

材料 (因為細媽參考人食蛋糕 receipes, 自然減去狗仔唔食得的材料啦)

- 茅屋芝士, 狗奶, 低筋麵粉, 蛋黃, 蛋白

1. 茅屋芝士切成小件, 隔熱水坐溶至無顆粒, (細媽發現茅屋芝士比較難溶, 下次都係用返低脂芝士 wor )

2. 將低筋粉過篩, 慢慢篩入芝士糊

3. 遂一加入蛋黃攪勻, 再加狗奶, 再將麵糊拌至光滑無顆粒

4. 蛋白先打成企身.

5. 先取1/3 的蛋白霜加入與麵糊混合, 再將餘下的蛋白霜分多次倒入麵糊, 以輕手混合

6. 倒入紙糕模內, 再拿起糕模輕輕敲幾下, 以便將多餘空氣敲出

7. 以蒸焗法將蛋糕先以150度焗10分鐘; 再以180度焗5分鐘, 或見金黃即可.

因為整完比較夜, 媽咪又遲左開飯比我, 雖然肚仔好飽, 但芝士蛋糕太鬆軟可口, 我忍唔住食左一個, 仲要再想食, 細媽惟有留左兩個俾我, 我可以有兩日食