090517蓮清行

因為昨日落了微雨, 天文台報今日會間中有陽光, 媽咪怕又有驟雨, 所以諗住行麥理浩徑第九段, 再轉清快塘回深井
估唔到成日大部份時間, 陽光伯伯都走出來, 氣溫仲超過30幾度添

坐車出發往郊野公園時, 大細媽見到我滿面笑容, 佢地話我一定昨晚睡足夠, 又知去街街, 心情一定唔錯

到荃錦坳郊野公園管理處, 見到個定向 check point, 媽咪打電話問大姨丈, 原來大細表姐同大姨媽係度賽前培訓

上到六善亭, 佢地出晒去訓練, 要最快一個鐘先返來, 我只可同 check point 影相, 等表姐知我來過搵佢地

繼續行程, 先上直昇機坪跑陣先

跟住慢慢暗斜上, 唔算太吃力ge

但太陽都開始猛烈, 我都要在蔭位休息ga

來到分叉位, 媽咪睇地圖, 呢條去蓮花山ge 路, 都可以轉去清快塘, 反正我地未行過, 僅係行條有新鮮感ge 路啦

細媽見蒲公英果熟左, 佢幫手散播種子 wor

春季周圍都有花開, 馬纓丹花滿樹開, 又係幾靚 wor

竟然有個咁大轉彎路, 又斜又曲

沿途都有好多戰前遺留落來 ge 山洞, 大家小心, 唔好跌落去ar

蓮花山段車路到此為止, 要轉入泥徑

沿路都係植林區

午餐時段到, 本來細媽預備左 6 個小蛋糕, 因為留低左 3 個俾大姨媽佢地, 得返 3 個咋, 唔飽咪去深井先算lor

我都有份, 係一塊雞肉乾

食飽又繼續行程

滿山山稔花, 遲D就有山稔食

原來蓮花山有座荒廢公立學校

仲有學校圖書室

仲有滑梯添

泥徑原來接返入元荃古道 C6104, 媽咪見其他小路都生滿橫枝野草, 都係行古道安全好多

又到 C6106大斜岥, 又係細媽至怕, 又係佢行最慢溜後

終於來到清快塘, 喜香士多, 蓮花又開始盛放

時間唔早, 唔留太耐, 早D落山啦

話咁快就到深井村了

我地 10 點多到荃錦坳, 4:45pm在深井上車回家, 玩左 6個多鐘, 補返昨日悶在家的時間

仲有係好好彩, 當我地食完晚飯返屋企洗白白時, 7點多竟然開始落雨, 天公真對我好好