071202流水響/鶴藪/沙螺洞/鳳園之行

今日媽咪本安排先行流水響郊遊徑, 經枯仔山坳, 石坳山再往鶴藪水塘, 但後來....., 下文再提

我地坐52B綠van 在流水響道迴旋處落車, 向流水響水塘方向行.

呢個係今日遠足路線圖  

原來波平如鏡的流水響真係好靚Ga

                我地沿路直上, 見呢個位置就係郊遊徑起點及終點, 有上山石級同指往桔仔坳方向, 因為我地今次行上枯仔坳, 選擇呢邊行, 又可以入燒烤場添 .        

對岸有點小桂林feel

過龍山橋會見到露營區GA

到左桔仔山坳, 向東前行係九龍坑山車路, 係全程最辛苦吃力, 因為要上行至少30分鐘斜路GA  

我地行到高位, 在傻人坳避雨亭休息一陣, 山徑交匯處, 接回衛奕信徑往鶴藪水塘方向下走, 經石坳山到左平頂窩, 我地直落鶴藪水塘.

在南山腳下的鶴藪水塘, 又稱"拋珠坑"

快行至衛奕信徑與鳳馬古道交匯處, 媽咪聽到有一大班大細家人會去沙螺洞, 因為當時時間只係兩點多, 媽咪問人家可否跟他們結伴, 咁我地就加插往沙螺洞喇.

我聞到好香花味呀, 原來呢d花香係薇金菊, 雖然好香, 但佢地為左自己生長, 會攀爬其他植物, 至人家枯萎, 佢地係害群之, 唉.

呢度係沙螺洞張屋喇.

行完沙螺洞, 我地再行選擇繼續行去大埔鳳園, 後面係吐露港/馬鞍山同大埔一帶.

嘩, 鳳園係個好大平原喎.

終於行到山下了.                      

呢間係鳳園薛氏宗祠.

差不多開始接近黃昏ge陽光, 好特別.

我地在鳳園走出汀角路, 就坐車回家喇, 媽咪食完車仔面, 仲買蛋糕同coffee回家當宵夜, 嘻嘻, 佢地行完一日, 又食返咁多野, 真係點減肥都無用por