071224平安夜友行

自從洛洛來我家, 我都盡量在假日陪佢及細媽婆婆出外玩, 少左約我的好友聚會, 改為在電波中聯繫. 難得今日放本年最後一天大假, 終於可以抽空一早出來, 想由早同晚, 食足3餐 

首站先去油麻地美都, 我地由細開始講話來, 以前單純, 以為呢度在廟街, 品流複雜, 一直唔敢來, 終於N年後, 一嚐在舊樓舊式樓上餐室的感覺.

我的最好姐妹Mimi及我的大佬甘.

只係食懷舊感覺, 但咖啡好酸, 奶茶無茶味, 三文治薄料, 所有味道, 超........失望

悠悠閒, 慢走九龍公園, feeling唔錯ga.

偷得浮生半日閒, Good, 如果日日無憂就好了.

第2餐去左尖沙咀和宜食日式燒烤, 3個套餐, 各有一碟肉, 一碟前菜, 一碗味噌湯, 一"大"碗日本飯, 一杯餐飲, 午餐碗飯份量唔算細, 大家都唔想浪費食晒.

午餐後又四處嬉, 又去Canon showroom 玩機, 口水又四處飛, 雖然昨日活動要狂大聲講話, 但今日都口不停, 無法, 我地3劍俠一出來都係咁, XD XD

第3餐晚餐, 本想晚飯食大d,  但下午碗飯仲頂在大家胃中, 好失策, 見人潮開始由四周入尖沙咀, 為免被困人潮中,  我地都係無奈選擇各自回家吧!

好耐無開心相聚, 希望遲d又一齊閒日放假, 再精心策劃行程, 一定要食足3 餐