210113坐私家車兜圈

細媽要開始銷大假, 暫定每星期三放, 今日係第一日. 又係我地三母子, 細媽話附近行, 不如出車.

昨晚已經試過要唔要加cushion墊高, 最後都係加塊厚毛巾仲好.

我今次無扭計, 坐落左, 就舒服咁嘆下, 在兩邊透網望街.

到天橋, 到我出動.

今日沙田最低3.4 度, 到8 點先慢慢升到 9 點的11 度.

媽咪都冷親左, 好彩有陽光, 照來暖晒.

仲熱呀, 都係除褸好D.

今日打算都係上馬仔坑配水庫來回.

因為坐車, 改行斜路上. 細媽, 加油.

準備向上行時, 途中有位街坊抱住狗狗落來, 佢話今日有好多馬騮出來, 有D仲好大隻, 馬騮會追細狗, 叫我地唔好上.

咁我地行上少少啦, 都未近距望到獅子山, 已經見有幾隻細馬騮, 當然返轉頭啦.

行去邊好呢？反正時間到飯市, 媽咪建議去另一間食店.

呢間係加力飯堂, 媽咪早兩日, 山長水遠上過買飯盒, 見外邊有位, 我又坐車車, 一於帶埋我來試.