200531覆診周日

今日覆診, 全家好緊張, 究竟我D紅血球有無升 ?

會唔會造血慢, 要唔要馬上緊急輸血呢 ?

上磅 5.5 KGS, 又重左. 關唔關未痾便便事呢 ?

我先入去抽血, 再出來等報告.

紅血球比容(HCT)由星期二 17.4% 升到 24.7%, 造血成功, 唔駛輸血呀.

醫生有提RETIC+HGB, 原來 RETIC+HGB 係缺鐵指數, 一般貧血或HGB血紅素偏低, 都會引致這兩個指數偏低的, 偏低係顯示抵抗力較弱. 今日回到正常水平.

星期二的血小板升到 1153 K/uL, 係因為牛蜱熱破壞左紅血球同血小板, 骨髓加工去造血, 產生左好多血小板, 今日開始回落返, 遲些應回降至正常小平.

醫生話回復狀態唔差, 但因為無左脾臟, 焦蟲地方隱藏, 會跟住血液在全身流動, 所以要繼續食黃金水Ａ＋Ａ治療. 呢幾星期都要返診所驗血覆診.

下星期日, 又要見醫生呀.

拎埋藥, 返屋企安頓好, 又接埋婆婆出來食午餐.

細媽知我鍾意食雞蛋仔, 揀左個餐有雞蛋仔甜品.

話, 好大粒呀.

上次, 我食過, 好好味.

媽咪引我.

好彩係真俾我食的.

細媽怕我腸胃唔適應, 只要食左一粒半咋.
我要下星期再食呀.