200521A+A治療第一天

昨晚 12點, 由媽咪負責餵我食藥, 過程順利, 食完藥仲俾左條雞乾俾我解苦.

回細媽房瞓覺, 點知到12:45, 我又嘔, 將仍未消化的晚餐同剛才藥加雞乾嘔晒出來.

媽咪惟有安撫我, 幫我清潔咀咀, 同餵返水俾我. 見我肚空, 餵我食雞乾同肉粒, 但剛嘔完, 真係食唔落, 媽咪放在碗, 置於床頭, 接住同我瞓覺. 差不多天光, 我又過返細媽房.

因為除左黃金水, 之前的補肝藥同胃藥係要飯前半個鐘食, 為左早上第一次藥, 細媽要分兩次安掛, 又要煮早餐粥, 呢幾日, 只有放棄地鐵晨早折扣.

細媽發現我今早尿色淡左, 昨晚兩次都嘔返出來, 唔通都有部份無嘔, 吸收到 ?

今早第一次, 大細媽都好驚我又嘔出來, 打電話問婆婆, 吩咐婆婆, 如果我嘔, 立刻通知. 媽咪見無電話來, 11點主動打返屋企, 真係無嘔呀.

細媽按計劃早走, 返來餵藥, 一齊順利.

媽咪收工返來, 當時廁所有人, 我忍唔到, 在走廊痾左, 真係變返正常色呀.