昨晚十點, 診所姐姐打電話來, 話報告出左, 證實了牛蜱熱復發, 醫生已經開左藥, 可以去拎.
媽咪準時收工走, 仲記得拎返個報告.
今次用Azithromycin (抗生素) 加 Atovaquone (俗稱黃金水) 混合療法.
黃金水一日三次, 媽咪同細媽商量, 諗住早上8點一次, 媽咪收工, 18:15左右返屋企一次, 晚上12 點一次.
今晚 7 點返到, 即餵我食雞片同藥. 點知, 半個鐘左右, 嘔返晒出來.
媽咪打電話問診所, 原來, 黃金水係好難食, 食唔慣, 起初會嘔返出來, 而且係必須要餐後半小時先可以食藥. 仲要係 8 個鐘一次, 如果按我地計劃, 每次時間相距 8 小時太多, 唔得呀, 每次相距時間, 最多 9 個鐘. 剛才第一劑, 因唔知我吸收左幾多份量, 可以今晚 12 點食第二次.
細媽在新年時, 返工加班, 可以按時補假, 佢決定由星期四至下星期三, 五個工作日, 提早 16:00 走, 叫婆婆煮定雞粥, 16:00 俾我食, 咁細媽返到屋企, 就剛才夠時間食藥.
希望成個療情順利.
沒有留言:
張貼留言