200509偷閒外出

出院一星期, 我日日都好精神, 無唔舒服.

傷口無紅腫發炎, 下星期二就可以拆釘, 唔知痛唔痛呢 ?

我唔可以出街玩, 細媽就帶婆婆去行公園, 順便去買今晚晚餐.

我就同媽咪在家, 食下小食先.

其實又係腸胃糧, 因為一日份量唔多, 少食多餐, 成日都好似唔飽囉.

細媽同婆婆返來, 本來無打算再出去, 但到一點半, 全家都覺肚餓, 明天又係母親節, 問婆婆, 不如去附近食店食野, 呢間有戶外地方, 我坐住車車可以一齊呀.

雖然暫時唔可以落地行, 但出得來, 應該有好野食卦.
點知, 都係食處方糧咋.

點好餐, 口罩都未除得呀. 呢杯凍檸係細媽的.

好彩婆婆杯凍好立克都來了, 佢鬼咁開心.

呢間侍應都好體貼, 婆婆點的烏冬係鐵碗上, 仲係好滾燙冒煙, 立刻叫婆婆等等, 拎個碗俾婆婆, 叫婆婆筴入碗先食, 唔駛熱親.

雖然唔可以坐室內, 但一來到, 侍應姐姐叫我地坐近門口, 唔駛坐太出, 呢個位無咁曬, 室內冷氣都吹到出來, 婆婆嘆住食, 不知幾開心.

食飽後, 兜個小圈先返屋企, 好彩多左厚雲, 唔太曬, 我有兩把風扇左右吹住呀.