200518牛B熱再復發 ??

拆釘前, 媽咪已發現我尿尿越來越深黃色.

都一路睇實, 為安全, 因為醫生星期六及日都放左假, 想佢跟返, 所以預約醫生今早.

昨晚食左少少秋葵, 今日便便軟左呀.

來到上磅, 都係 5.3 KGS, 暫時無輕左.
醫生問左媽咪詳細情況, 見我拆釘後出現咁深尿色, 問最近在家有無改變任何野, 例如換梳化, 清潔劑等等. 媽咪話昨日第一次食秋葵, 醫生話有狗狗食左秋葵, 會有輕瀉情況.
先抽尿驗同照膀肛, 睇下係咪膀肛炎.

報告出, 醫生話我未抽尿就痾左, 惟有在尿片抽樣本, 但準確度低左.
驗到尿有血色素, 無黃胆素, 無蛋白質, 無糖. 超聲波照膀肛顯示正常, 唔覺有晶體, 肝沒問題, 膽無事, 十二指腸見到手術縫線, 無異樣.
要驗血睇下.

驗血報告, 貧血, 白血球同血小板指數低, 肝酵素有成747 U/L, 加上兩次麻醉藥, 令身體抵抗力下降, 可能誘發牛B熱翻發.

所以, 要送血去另一家化驗所化驗, 但血份量不足 1ml, 要再抽多少少呀.

暫時先食鐵汁補血, 保肝藥改為 1粒半, 維化命B照舊, 加埋胃藥.

下周二覆診, 再抽尿. 如果化驗報告出左, 而又唔好彩真係復發, 就返診所配藥抗牛B熱.