200526又覆診

上星期一, 已經預約今日返來驗血. 今日由細媽同我來.

上磅有 5.4 KGS, Eva 姐姐話一篤屎同尿都有 100 gram啦. 一登記好, 助護姐姐就抱我入去抽血先.

都食左 5 日黃金水, 唔知驗血報告點呢 ?

抽好血, 等報告.

醫生話紅血球得 17%, 造血慢過被牛蜱熱破壞. 白血球同血小板都正常返, 尿清左係好事. 即黃金水有效.
無左脾臟來造血, 焦蟲就無位隱藏.
以前食Clindamycin相對溫和, 因為無左脾, 黃金水係最好, 人家可能要食兩至三星期, 我可能要食耐D.
預約今星期日 10:15 覆診, 醫生叫細媽搵定捐血狗狗, 驚我造血慢, 紅血球再低, 要馬上輸血.

今日配多五日藥, (Azithromycin (抗生素),Atovaquone (黃金水), 胃藥, 維他命B, 肝膽藥) , 等星期日覆診再定. 媽咪都搵左Doris 姨姨幫忙搵到捐血狗狗, 大細媽心都定左.

除左醫生開的補血鐵水, 細媽都買左新鮮牛肉, 食藥半個鐘前, 先食牛雞粥, 太好味了. 大細媽話, 只要我肯食, 佢地就開心.