200502終於出院了

細媽做好家務, 上床休息下, 我在家一路做公司野, 一路望全電話, 過左 6 點半, 都預無機會.

點知, 18:35, 電話來了, 哥哥話醫生睇左報告,  12 指腸粒瘤無細菌, 可以出院呀, 仲問我地今晚接定聽日接, 咁當然係立刻來, 我地話一個鐘左右到.

上到病房, 哥哥講解一下藥物食法, 同埋暫時食腸胃糧, 同注意事項. 先每日食 60 g, g, 分四餐食, 遲些再加份量, 情況好轉後, 可考慮食返自家制食物.

哥哥入內抱洛洛出來, 點知洛洛在哥哥懷中, 好安靜, 無掙扎, 見到我地無大激烈反應. 咁即刻佢在診所有安全感啦.

等俾錢期間, 洛洛都好乖, 我地安撫佢, 佢知可以返屋企.

回到家, 發現診所姐姐有幫洛洛重新紮過辮子, 但咁多日, 點都會亂同打結啦, 當然要梳返順毛, 重新整理.

條疤痕真係好長, 原來現在係用金屬釘來埋口.
12/5 回診所拆線 (釘), 同埋聽脾臟同 12 指腸腫瘤化驗報告.
我地要有信心呀, 正能量.

安頓好, 戴返甜甜圈, 一落地, 洛洛就開始興奮, 又玩鑽梳化, 傷口唔痛咩, 會爆呀, 都係要抱返, 等佢情緒冷靜先得. 仲有, 因為糧份量少, 洛洛引我地去放食物地方, 示意想食野, 惟有俾少少糧啦.