180729月伴摸黑出動

周日仍會酷熱, 都係5 點左右, 早早起床, 今早, 月亮在婆婆房同露台都望得好清楚, 又圓又亮, 係杷機影唔到咋.

間一陣, 月亮都慢慢下山, 要休息, 而我地繼續梳洗, 準備坐頭車入小瀝源.


今朝俾細媽鬧鐘聲嚇到彈起, 雖然明知要起身, 但都仲係瞓唔醒樣.

來回舒暢一輪, 開始醒神了.

太陽又好似偏左少少, 每次都係不同隙縫照出陽光.

仍係大踏步.

今日應該會好好天, 無雲可以擋陽光.

但高樓都幫手擋擋, 唔駛太曬.

今日唔見耍太極姨姨.

但晨運姨姨們就照樣晨運.

我都係摸黑出動, 但無可能早過佢地呀.

河畔總有位會俾陽光照到, 行快步先.

但大部份都係遮蔭下.

又多休息位, 可以搵個位, 坐低食下雞.

目標明確.

打張醒目咭, 就可以去飯堂.

仲唔行快D.

每次出動, 我最開心係運動後去飯堂, 雖然暫時有係搵到兩個, 都好夠呀.