180728大潭水塘滿塘了

成個月, 天氣不穩, 加埋痾爛便, 足足四星期先可以再來大潭水塘.

上星期知下水塘滿水要排洪, 都想來睇下接近乾涸的大潭, 上中水塘有無連返埋.

未夠 8 點, 已經接近 28 度, 要晏D, 會更熱.

一早好好陽光.

放假第一日, 零舍精神.

嗱, 仲係藍天.

落水塘途中, 有雨粉粉, 抬頭明明係藍天無雲, 得遠處有厚雲, 間中擋左陽光咋.
行下, 雨點大左, 但都可以唔駛開遮.


一到水塘旁, 馬上走去引水道視察下先.

水源唔急.

水係滿滿, 但細媽話東西柏林未連埋喎.

都算好好, 我地叫婆婆先回程, 慢慢上涼亭等我地, 我地兜個圈.

雨季未過晒, 山水仍可以源源不絕流下.

好耐無見滿塘景.

中水塘未滿, 未溢霸, 唔落去睇呀.

返轉頭, 搵婆婆.

今日少左行山人, 熱定係暑假, 去晒旅行呢 ?

上斜坡.

行多幾步, 吸氣大, 細媽話我有老人優惠, 抱我上去.

匯合婆婆, 大休.

差不多啦, 要行.

不如又去望下先.

仍然見有青蛙.

仲有朋友仔.

水比之前清好多, 可能係流動生水.

起步時的雨粉同雨點都無晒, 好藍天, 要走了.

今早仲講緊, 好耐無遇到糕點姨姨同叔叔, 點知返上來, 去完廁所, 就見佢地經過, 當然又有口福啦. 唔知下次會唔會又遇到呢 ?