180702晴天驟雨天

今日係三連假最後一日, 下次連假係10月1號.

半夜又來雷雨, 我又瞓唔好, 在床走來走去, 要細媽拍拍定驚.

昨日又早出早回, 多左時間, 休息夠, 今日照樣.

婆婆又係走在我前面.

我又追, 要拍住行.

未出到石船, 有雨點灑, 身後廣源邨好大雨呀.

細媽抬頭見花園多左野, 上來八下, 原來又新置好多櫈.

新人行盞時.

親朋都可以安坐觀禮, 都好吖. 係烈日下, 辛苦D囉.

今日無長跑比賽, 連晨運客都少左, 可能今日有人要返工.

但都見晨運姨姨, 當然要打招呼啦.

對岸又見落大雨, 我唔理, 有櫈就坐.

剛才又小驟雨.

停雨又行.

反正目標係好明確, 行完去飯堂, 回家洗白白.
點污糟都係大問題, 但我現在仍係好靚仔.

明明剛才天暗又有雨, 現在好大太陽.

不管晴天定驟雨, 細媽話遮都一定要打開, 濕左要曬返乾呀.

又見得B兩兄弟, B女都來埋.

聊一陣要走, 咁曬, 不宜在外久留.

食客唔多, 又可以搵到風位坐.

回家, 洗完白白, 又來陣風好雷暴警告, 轟轟雷聲, 仲有黃雨呀.

陣風雷雨快走, 但我仲聽到遠方有輕微雷聲, 又話稍後仲會有陣風雷雨, 咁, 我點可以安樂瞓晏覺豬呢 ? >>>>>