今日遲左個多鐘出來, 係有原因呀.
來到見太陽俾厚雲遮得似難透光.
我地遇到好耐無見的綿羊仔, 原來佢爸媽為左佢, 一家由河畔屋苑搬左上黃泥頭村, 唔駛睇屋苑人面色, 開心好多, 仲多左個小唐細妹. 因為今日厚雲, 無咁曬, 佢地爸媽先同佢地落來河畔行咋, 平時在屋企附近都好多地方行, 怪不得撞唔到. 綿羊爸話睇天, 似快有雨, 要返屋企先.
真係會落雨咩 ?
到河邊, 都未覺有雨喎 ?
婆婆, 你剛才行咁快, 搞到我追唔到你.
晨運姨姨走左了.
聽日再撞佢地.
專心行.
咦, 覺得有一兩滴雨呀.
到富豪花園對面, 雨似大滴左, 本來在樹底停下, 但雨好密, 又大又有風, 要走上天橋避避.
大驟雨終於細了, 周圍水氹, 媽咪唔想我濕得太利害, 我上私家車.
雨們, 呢段路, 水氹少, 一於自己行.
雖然手腳濕左, 細媽話到飯堂都應該乾返.
以為佢地無來, 仲多左好多朋友仔在聚會.
我要打咭呀, 一陣傾啦.
正經打完咭, 同朋友仔傾一陣要走.
校啱時間, 食埋早餐, 送婆婆返屋企先, 我地要去另一個地方.
食完早餐, 大細媽分別去廁所, 突然刮起橫風暴雨, 仲加埋雷呀.
死喇, 今日出門見好天, 天文台話今日有陽光, 無話有雨, 全屋同露台都無關窗, 咁大雨, 加埋風, 唔知電視機同盛盛有無俾雨吹入淋濕, 返去, 一定俾盛盛投訢死了.
沒有留言:
張貼留言