180714晴或雨, 玩晨步

一早預告星期五至日, 都會狂風雷雨, 大細媽唔想我等成個星期都無街出, 預左起身見雨停就會來城門河巡行, 落雨咪由大細媽抱囉.

剛才一出隧道時, 突然傾盆大雨, 車到站, 見細雨, 媽咪即叫細媽落車.

婆婆唔願出, 我地唔勉強.


難得出來, 好好享受.

停雨, 附近街坊都有出來

我呢個掛名街坊都係, 打完招咪就走.

好難預晴或雨, 現在幾曬.

出猛太陽.

估唔到.

本來想在老位置打咭, 點知張櫈曬一陣咁熱, 都係入樹叢位好.

嘩, 晏左來, 陽光升到接近中天, 媽咪立刻打傘, 追上來, 遮我行.

曬曬, 要在樹蔭休息下.

咦, 後方有雨來.

好彩唔算太大雨, 我暫時都係自己行, 到沙燕橋就可以轉去飯堂.

行下又好曬, 要快步, 媽咪見前方無遮蔭, 立即開遮, 沿路跟貼我.

一過左隧道, 又落雨, 媽咪唔想我濕身, 抱我行去飯堂, 點知中途突然一陣怪風橫雨, 連遮都吹到扭曲左, 好彩行到天橋升降機位, 媽咪抱住我, 唔搏呀, 企係度避狂風橫雨, 雨細風弱, 馬上快步來飯堂, 避左狼狽場面.

雨時停時落, 暫時無狂風, 走時, 我都係入返私家車, 包住, 好有安全感呀.