180707又爛便

點解今日遲左出去晨步, 就係要就今朝 11 點半去見醫生囉,

星期三清晨, 肚仔咕嚕嚕, 叫醒細媽起身, 抱我落床去廁所, 痾左一大篤爛便.

細媽立刻俾法國止痾靈我食, 跟住都係爛便, 好彩無瀉咋.

星期四都係咁早晚痾爛便, 細媽俾埋加強益生菌.

昨晚, 細媽返工, 我又痾一大篤爛便, 即刻打俾媽咪囉, 最快要深夜 11點半, 唔係錢問題, 係睇完返屋企, 都起碼成凌晨一點幾, 所以改今早喇.

在飯堂, 好彩雨細左, 我地送左婆婆到家樓下, 再直車來診所, 時間剛好, 但當然要等.

磅重 5.9 KG.

今日見吳醫生, 醫生姐姐話佢次次睇我都係爛便便.

摸過肚仔無痛, 牙肉色無問題, 我又好鬼精神, 又係慣性腸胃差.

醫生話開止抗生素, 但最好暫停食益生菌, 以免食左抗生素把益生菌都殺死埋, 浪費呀. 想餵都起碼相間兩個鐘. 第一次唔開含有益生菌藥. 食一星期藥, 相信應診快好.