180623雷雨黃雨晨步停不了

昨日都係不停有雷暴警告, 又有黃雨, 今日都係唔敢搏, 瞓多陣, 行下城門河就夠.

出門上車都無雨, 但過隧道先知沙田剛落完雨.

放低幾兩, 又開始有雨滴, 大細媽怕我行到太濕, 大雨點都要抱下.

驟雨過, 繼繽行, 唔可以俾婆婆少左活動.

我都係呀.

未到河畔, 又有雨喇.

又要抱了.

細媽叫望遠處, 原來雷雨雲中, 有漏斗雲生成, 唔係太成形, 見到雲向下轉, 但媽咪想影時, 已經散左好多.

對岸大埔一邊好大雨, 我頭頂就覺紫外線高.

只知現在係雷暴警告.

我同婆婆密密步, 快快行.

但途中, 要識休息下.

婆婆 : 我坐, 你又跟來.

點解我唔坐得呀, 我都係老人家呀.

本來, 去瀝源橋就轉回頭.

點知婆婆又要急去廁所, 惟有陪佢行多段路, 我地行到呢度打咭啦.

唔落雨, 感覺就熱.

脷仔快長到貼地.

媽咪叫我上冷氣私家車, 我當然樂意啦.

終於, 過左 11點先到飯堂, 坐低, 外面開始暗天, 跟住狂風雷雨, 黃雨雷暴警告掛起, 仲有時速 90 公里陣風呀. 平時, 我會好驚, 但現在唔覺驚, 事關我掛住開餐食野, 唔記得去諗個"驚"字囉.