180610晨步不能停

昨日三腳仔, 食左藥, 今早無覺有問題.

雖然大細媽怕我手仔太粗勞, 但又唔可以俾懶鬼婆婆唔郁, 細媽話佢仲有氣有力, 最多全程揹住我, 都要捉婆婆出去晨步操.

因為我唔會行太多, 多數要留在私家車, 唔著 cooling coat 喇.

大細媽睇得我好緊, 在樹蔭下先俾我行下, 或者打傘侍女追住我, 為我擋陽光.

在陽光下影相, 媽咪準備好, 打傘侍女先立即行開, 影完又速走回來.

我知手仔仲係有D唔同之前, 所以都係慢行.

嘩, 前面好好陽光, 我要坐私家車了. 細媽話, 不如買架車仔推喎.

我好鍾意部座駕喎.

又到蔭位, 行陣先.

又或者見櫈又休息下.

大細媽在後睇住我, 我就負責督促婆婆行.

8 日後就係龍舟節, 今日係年度有唱龍舟日, 仲有舞龍打鼓.

望下數, 上年都睇過.

今日, 我多數在私家車, 所以行快左, 我唔想出來, 咁細媽陪我一齊打咭啦.

行左無兩個鐘, 但天氣熱, 唔好在戶外太耐, 我地早左到飯堂, 坐下先, 等飯市夠鐘呀.