160713驗血保平安

大細媽一直諗, 預防針係將病毒的疫苗打入體內, 我今年都 11 歲, 仲好唔好年年打預防針呢 ?

因為曾經中過牛蜱熱, 呢幾年, 都會先驗血後, 才決定打唔打得.

大細媽唔想我一路接受病毒, 最後決定, 由今年起, 唔打一年一次強疫苗.

但唔驗下血, 唔知我血小板同腎指數有無正常, 細媽今日下午同我來驗下.

羅醫生又唔知去左邊, 所以約姐姐醫生, 佢溫柔D, 我會無咁驚.

成日俾細媽投訢我重, 一上磅, 6 kgs 呀, 顯示屏偏左診所姐姐度, 細媽影唔到, 肯定又俾細媽要我減肥.

見完醫生, 我留低抽血, 哥哥抱我出來, 我即刻想走.

一路等, 細媽一路whatsapp報告俾媽咪, 媽咪都有提醒下.
醫生摸我, 唔覺有乜外表問題, 眼睛混濁係因為年紀大, 唔係白內障. 身上係老狗班, 生出的粒粒係老狗粒, 正常吵, 除非快速突然異變, 6 kgs 未係肥, 以我身型, 唔好過 6.5 kgs 就得.

驗血報告出左, 好靚呀, 全是正常範圍, 包括最擔心的血小板.

腎功能指數好常, 細媽話多得佢同媽咪用針筒餵水咋. XD